இங்கு
சிலை ஒன்றை செதுக்குகிறது
மானுட கடவுள்

-

நான்கே அறைகளுக்குள்
உன் நினைவுகளால் என்னில் மட்டும்
நித்தம் ஒரு ஜாலியன் வாலாபாக் ....

-

எனக்கு மட்டுமாய் விழும் தூரலில்
என் நிழலின் முகமும்
எழில் கொண்டதென்றால்
நனைக்கும் மழைக்கு
எனை மட்டும் நனைக்கும் மழைக்கு
என்னவென்று பெயர் சூட்டுவேன்...

#காதல்🧡 #

-

தமிழே
எத்தனை வரிகள் நான் எழுதினபோதும்
உன்னை பூசி கொண்ட பின்பே
முழுமை அடைகின்றன
என் ஒவ்வொரு அடிகளும்...

-

முனைவர் ஆகிவிட முனைப்பெல்லாம்
கொட்டி கிடக்கு ஆனா கட்டி கொடுக்க
கட்டு கட்டா காசுதான் இங்கில்ல...

-

வளரும் வேருக்கு தன்னம்பிக்கை வார்த்த
வற்றாதொரு வங்க கடல்

-

சருகின் வ(லி)ழி எந்த இலை அறியும்
மக்கி போக மனமற்று
மாற்றம் ஒன்றை செய்வதாய்
சூரியனை தொட்டுவிட
சுழன்று போன காற்றோடு
சிக்குண்டு கிடக்கிறது முள்வேலிகளுக்குள்..

-

நகர்ந்து கொண்டே இரு
ஓடிக்கொண்டே இருக்கும்
நதிகள் என்றும் தோற்றதேயில்லை
ஏன் நீ துவண்டு போகிறாய்.....

விழுந்து போவதெல்லாம்
வீழ்ந்து போவதில் சேர்வதில்லை
எழுந்து நிற்பதே
வென்று முடிப்பதின் தொடக்கம் ......

நீ நீயாகவே இரு
ஒரு போதும் முகமூடிக்குள்
சிக்கி கொள்ளாதே .......

விதவிதமாய் முகம் மாற்றி
நொடிக்கொரு முகம் காட்டும் இவ்வுலகம்
முடிந்த வரையில் நீ சுயம் இழக்காதே
பிறர் நலம் பேண மறக்கதே ....

மாற்றங்கள் உன்னை மாற்றிட விடாதே
மறந்தும் நீ தோற்றதாய் எண்ணாதே...
கல்லாய் போன மனிதனிடம்
கருணை நீ பார்க்காதே
கருணை தேடும் மனிதனிடம்
கடவுள் காண மறக்காதே.....


மூச்சு விடுவதில் உள்ளதோ உயிர்
இல்லை இல்லை நீ
முயற்சி செய்வதில் தான் உள்ளது...

நொடிகள் மீது அடிகள் வை
நிமிடங்கள் உன்னை உயரச் சேர்க்கும்....

-

இலக்கணமாய் மாறி விடுகிறாள்
கவிதை எனும் போது
தமிழைத் தேடித்தான் நான்
தடுமாறிப் போகிறேன்
அவளருகினில் அந்த
இமைகளின் நடுவினில்....

-

கசக்கி எறிந்த பக்கங்களுக்கு மட்டுமே
புரியும் பிழையின் வலி.....

-