రేయిని
రాయి అనుకున్నాయేమో
చీకటిని
చెక్కుతూ కీచురాళ్లు

-

రోజులు మాత్రమే
చూపించే గడియారం
నింగి గోడకి
వేలాడే చందమామ

-

ఆకాశం తలుపులు
తెరిచి ఉంచుతుంది
తారలు
దిగి వచ్చే వేళలో

-

తొమ్మిది నెలలకు
రెంట్ పాతిక లక్షలు
అద్దె గర్భం
విల్లా కన్నా కాస్త్లీ

-

ఆకాశంలో
బ్రూ పొడిలా చుక్కలు
చీకట్లో ముంచిన
బిస్కెట్ లా నెలవంక

-

చీకటున్నా
నింగికి బాధ లేదు
మోములో చిరునవ్వు
నెలవంకై పూసింది

-

ఓ చోట చీకటి
మరో చోట వెలుగు
కాలమే చెప్పిన
పునర్జన్మ కథ

-

చీకటి పాడే
నిశ్శబ్ధ గీతానికి
కీచురాళ్ళ చప్పుడే
బ్యాక్ గ్రౌండ్ మ్యూజిక్

-

కడలి కాన్సెర్ట్ లో
అలలు పాడుతున్నాయి
తీరాన్ని
గిటార్ తీగలా మీటుతూ

-

ఓ నక్షత్రం 
కునుకు తీసింది 
రెప్పపాటులో 
ఈ విశ్వానికి ఎన్ని యుగాలో

-