जग छोटं होतं
आनंद मोठा होता...!
बालपणीचा काळ तो
परम सुखदायी होता..!!?

-

मनाच्या आरशात..
प्रतिबिंब तुझे..!

-

कधी सुखाची कहाणी..
कधी डोळ्यात पाणी..
गातोय काळ..
कर्मांची गाऱ्हाणी...!

-

आधुनिक युगात या..
दुर्मिळ झालंय..निरागस हसू..!!!

-

इतकेच मला जाताना
बरोबर न्यायचे आहे..
भक्तीचे धन सोबती
अन् कर्मांचे खाते आहे..!

-

प्रयत्न दोन्हीकडून हवा
प्रत्येक क्षण भासतो नवा..!

-

का उगाच बाऊ?
जगणं फारसं अवघड नसतं
सुंदर अन् सहज जीवन..
जेव्हा अपेक्षांचं ओझं कमी असतं..!

वाटता यावं जगाला
जेव्हा आपल्याकडे काही असतं..
उगाच साठवणूक का?जर
काहीच सोबत न्यायचं नसतं...!

झुकता ही यावं कधी
कमीपणाचे ते लक्षण नसतं..
झुकलेलं झाडच तर
फळांनी बहरलेलं असतं...!

कुठल्याही सुखाला येथे
कुठं शाश्वत स्वरूप असतं..?
दुःखाच्या अनुपस्थितीला
साधारणतः सुख मानलं जातं...!

कुठपुतळ्या नियंत्याच्या
सर्वकाही त्यांच्याच हाती असतं..
त्याने दिलेल पात्र फक्त
प्रामाणिकपणे रंगवायचं असतं...!

जास्त काही नाही
बसं इतकं सोपं असतं
श्रद्धा नि विश्वास असला की
जगणं फारसं अवघड नसतं...!

-

तसा दूरवरचा आहे प्रवास..
पण् माहित नाही,
किती शिल्लक आहेत श्वास..?

-

भावनांची फुले फक्त..
आहेत तुला ‌देण्यासाठी..!

-

निरागस त्याला माहित नव्हतं..
कुणीतरी त्याच्यावर नेम धरुन होतं...

-