महागौरी नवदुर्गा पूजन दुर्गाष्टमी
सुख शांती स्थिरता महाधनलक्ष्मी

पापनाशक ती अनंत अक्षय छाया
उपासना शुद्धता शक्ती आदिमाया

अशक्य ही शक्य सर्वस्व उभे ठायी
अंतरीचा भाव वाहीन तुझियापायी

हो अंबे आक्रमक सर्वधर्माचे कारण
वृषारूढ होऊन करी भक्तांचे तारण

-

कालरात्री अंबाबाई नवदुर्गा तू कितवी
दैत्यांच्या पुढ्यात स्थित दुर्गा तू सातवी

महाकाली रुद्राणी सामर्थ्यवान उद्राह
आक्राळ विक्राळ दावी आकार भयावह

केशरी छटा रूपक अनंत काळ शक्तीचे
आस्था समर्पण संपूर्ण दृढभाव भक्तीचे

रक्षणार्थी सभोवती सर्वथा निर्भयंकारी
भक्तांच्या कल्याणार्थी नित प्रकटणारी

-

सुरुवात...
कुठून करावी हेच कळना
परिस्थितीचा चिखल काही वाळना

-

निसर्गा.... तू बदला घ्यायला बाही सारून येतोस
पडताळणी न करता गरिबीची लाही लाही करून जातोस

-

पीक तर गेलंचच गेलं माती ही वाहून गेली
दसरा, दिवाळीला दारी शिमगा ठेवून गेली

-

श्रीमंत होण्यासाठी गरीब कधीच जगत नाही
एकदा मिळालं की पुन्हा भूक असून पोट मागत नाही

-

शेतकऱ्यापुढं दुःख फक्त मांडलंय
रानात उभ्या पिकांचं रक्त सांडलंय

-

तू येतोस् अन् गरिबांचा घास काढून घेतोस्
काडी काडीने बांधलेला खोपा तिच्या मोडून जातोस्

-

सिंहावर स्वैर शक्तिशाली नवदुर्गा तू
असत्य अन्यायाविरुद्ध दावी इंगा तू

माता कात्यायनी महिषासुर मर्दिनी
धर्मासाठी लढण्या उभी शस्त्र घेऊनी

सर्वफल सर्वकामना सदैव इच्छापूर्ती
बुद्धिशाली अंतर्दृष्टी अंतर्ज्ञानी किर्ती

षटदिन रंग राखाडी जरी अंधूक ओज
दाखविसी स्थिरता मनी एकाग्रता तेज

-

अच्छी सोच कभी व्यर्थ नहीं जाती।

-