धावत गेल्या दाट सावल्या
ढगांच्या डोंगर उतारावरून
उतरतीचं मलूल झालेलं ऊन
देत होतं ऊब अधून मधून
निर्भर वारा येऊन गेला हलकेच शहारून
श्वास भिनवला माझा झुळुक भाळावरून
तुऱ्यांची रांग लयीत नाचते पात्यावरून
कलती किरणं चमकती इवल्या इवल्याशा फुलांवरून
मावळलं सारं आले सारं गहिवरून
रात्रीच्या चांदण्यात फिरताना मन जाते बुडून
अर्धविस्मृत आठव सारे कळीदार हृदयावरून
नजरेत भरले श्वासात जगले क्षण ते जपले आत्मधुन
तेच तर जीवनसम्मुख जगा भरभरून

-

धावत गेल्या दाट सावल्या
ढगांच्या डोंगर उतारावरून
उतरतीचं मलूल झालेलं ऊन
देत होतं ऊब अधून मधून
निर्भर वारा येऊन गेला हलकेच शहारून
श्वास भिनवला माझा झुळुक भाळावरून
तुऱ्यांची रांग लयीत नाचते पात्यावरून
कलती किरणं चमकती इवल्या इवल्याशा फुलांवरून
मावळलं सारं आले सारं गहिवरून
रात्रीच्या चांदण्यात फिरताना मन जाते बुडून
अर्धविस्मृत आठव सारे कळीदार हृदयावरून
नजरेत भरले श्वासात जगले क्षण ते जपले आत्मधुन
तेच तर जीवनसम्मुख जगा भरभरून

-

दान कांडता जात्यावर
ओवीत संसार दडले
शुभ्र त्या मऊसुत पिठात
शोधता मला मी न सापडले



Read in caption ✍️....😊🙏

-

भाव काठावर ...
तर शब्द तळ्यात...
टाकला गळ ...
अन् घेतले नावेत...

-

चालले डोईवरी
जड झाले तरी
ठेवता येईना खाली
सातत्यानं विखुरणारी
पिळ देऊनी बांधली
मनात कोंडून ठेवली
श्वास कंठात अडकली
खोट्या त्या हास्यातून
अश्रू अनावर वाहिली

-

तुझ्या हृदयीच्या कळीस
फुलवून जावे
धुंद बेधुंद होवूनी
तू जगास विसरावे
अर्धस्फुट शब्दात तुझ्या
विरहाचे क्षण भिजावे

मी झुळूक व्हावे
कुशीत प्रारब्धाच्या
क्षितिज आकंठ बुडावे
पान ,फुलं ,धरा, थवा
सारं सारं तुझ्या ओंजळीत द्यावे
गंधभरल्या तुझ्या श्वासाच्या
उसास्यात चिरतरुण विलीन व्हावे

-

सुकल्या फुलाचा फुलण्याचा अट्टाहास
ना रूप देखणे ना माळफुलास सुवास
कोमल पाकळीपरी स्वप्न उन्नत झुलता उपन्यास
स्वप्नभंग जरी परागात सावकाश
कल्पित ध्यास चाले अनंत प्रवास
फुलाफुलातून दरवळणारा श्वास श्वास
माळरानाच्या स्वप्नदुलईत मोहरला प्रवास

-

स्वप्नांची यादी
वाढतच जाते

स्वप्नांच्या सावलीत
मी मुक्त होते

मनीचे कल्पित
स्वप्नास साज देते

स्वप्नांचे चांदणे
प्राजक्तापरी बरसते

जागल्या रातीत
डोळ्यातील स्वप्न हरवते

कधी स्वप्नांच्या दुनियेत
जागेपणी तृप्तीत निजते

-

कलून निजल्या दशदिशा
सावळ्या रंगात एकवटल्या

क्षितिजावरले मेघ झाले पारखे
पर्वतरांगांनी धुके पांघरले

सागराच्या लहरींवर अलगद
तरंग तरंगे चंद्रकिरणांची फुले

भावनांच्या अंत:करणातील कंपनांच गलबत
अस्तित्वाच्या किनाऱ्यावर विसावले

अंधाऱ्या रातीत मनाच्या फुले उमलती
स्मृतिगंधास मोहर दिपमाळेत शब्दांगण उजाळले

-

निःशब्द मी आज,
स्पर्श लाघवी चांदणे,
तुझ्या नभांगणात...

-