પ્રેમની દોર

કેટલીય આંખો પ્રેમમાં રડી છે
કોઈ સત્ય પાછળ તો કોઈ જુઠ પાછળ પડી છે
દેખીતી આંખે અંધાપો લાગે છે
આ પ્રેમમાં માણસ આખોય પાગલ લાગે છે
તમે જરા વિચાર કરીને આ પ્રેમમાં પડજો
કયાંક વગર સમજણે તો કયાંક સમજણ
છતા પ્રેમની દોર તુટી છે...

-

ડગલ ને પગલે જિંદગી નવું શીખવી જાય છે.
કોઈ સારૂ તો, કોઈને ખરાબ વર્ણવી જાય છે.
ભ્રમણા રાખી સૌ-કોઈ ફરે છે આજે સંસારમાં,
વાસ્તવિક જીવન'તો ક્યાંય પાછળ છોડી જાય છે!

મોઘેરી મીઠી વાતો આવીને કોઈ કરી જાય છે.
છે સાવ ખોટા, તોય સૌના મનને મોહી જાય છે.
નથી સમજાતી આ માનવ-કેરી અલગ ભાષા,
એક-એક લીટીએ કેવી આ લીપી બદલાય છે!

ક્યારેક સત્યનો માર્ગ એકલા પસાર કરી જાય છે.
તો ક્યારેક એક જુઠનાં સહારે ચાલી જાય છે.
મંજિલે પહોચવા એ ખૂદ લૂંટાય પણ જાય છે,
જેમ મધ્ધદરીયે કોઈ તોફાન વહાણ ગળી જાય છે!

પ્રથમ એક રડતા સાદે જીંદગી શરૂ થઈ જાય છે.
છેલ્લે કરૂણ આક્રંદે બધુ સમાપ્ત પણ થઈ જાય છે.
બસ, આજ બે સમય વચ્ચે હસતો રહેવા માનવ,
જાણે કેટલીય અમથી મથામણ કરી જાય છે!

કયારેક લીલાછમ વ્રૂક્ષનાં બધાજ પાન ખરી જાય છે.
તો કયારેક પાનખરે આખુય વ્રૂક્ષ ઉભુ રહી જાય છે.
ભાગ્ય અને નસીબના આ'તે કેવા ખેલ છે કુદરતનાં,
વગર મોતે મરી જાય, ને"મોત માંગે જીવાડી જાય છે"!

-

કેટલાય સંબંધ ને ગજામા ભરીને રાખ્યા છે,
પોતાના તો ઠીક મેં પારકાને પણ સાચવ્યાં છે.

-

જિંદગીની મુસાફરીમાં મંઝિલ મળતા વાર લાગશે,
રસ્તો સાચો પકડજો,પાછળ લાંબી કતાર લાગશે.

-

પ્રતિક્ષા કરી બેઠા છીએ અમે દિવસ ને રાત,
તમારા આગમનથી થાશે એક નવી પ્રભાત.

-

કરવી'તી મારે હૈયાની વાત, પણ
મંઝીલ દુર અને રસ્તા સુના મળ્યા.

કરવી'તી મારે હૈયાની વાત, પણ
પારકા જાજા અને પોતાના થોડા મળ્યા.

કરવી'તી મારે હૈયાની વાત, પણ
સત્ય છુપાયેલ અને મૃગજળ જોવા મળ્યા.

કરવી'તી મારે હૈયાની વાત, પણ
શરૂઆત કરી અને ફક્ત મૌન જ મળ્યા.

-

પ્રતિક્ષા કરી તારી,
જીવન બેઠો હારી.
કુદરતે શું છે ધારી,
આવી આ લાચારી.
કેવી દોસ્તી,ને યારી,
કયાક સાવ હળવી,
તો કયાક છે ભારી.
હ્રદયે એક કલાકારી,
સાચવે "યાદ" તારી.

-

આજે એ મળી છે

ભરી બજારમાં આજે એ મળી છે,
અવનવા વસ્ત્રો એ ખુબ સજી છે,
શણગાર પણ ખૂબ કર્યો'તા,જાણે,
સ્વર્ગ માથી ઉતરેલ કોઈ પરી છે.

મનમાં મારા ખુબજ આગ લાગી છે,
હ્દયે પણ એક નાની ઠોકર વાગી છે,
જોઈને એને પ્રેમ'તો ભીતર રહી ગયો,
ને લાગણીઓ પણ ત્યાજ બળી છે.

આંખોથી આંખોએ થોડી વાત કરી છે,
વિચારોની માયાજાળ એ પાછી ફરી છે,
હવે થાય છે એવુ,બધુ છોડી રસ્તે ચાલુ,
પણ આજે તો મે ખુદ ભાન ભૂલી છે.

મારૂ નામ એ ખુબ મીઠા સ્વરે બોલી છે,
ત્યારે મૈ એ પળને મજાની માણી છે,

-

બદનામ

એક નામ બદનામ કરે છે મને.
એક‌ કામ બદનામ કરે છે‌ મને.
ગલીઓ'ને શેરીઓ ફર્યો ઘણી,
એક ગામ બદનામ કરે છે મને.

એક શામ‌ બદનામ કરે છે મને.
એક જામ બદનામ કરે છે મને.
પાગલ થઇને પાડેલ આ શરીરે,
એક ડામ બદનામ કરે છે મને.

પ્રેમ બેફામ બદનામ કરે છે મને.
જો સરેઆમ બદનામ કરે છે મને.
કયાંક ખુદ પણ છે બદનામ તોય,
આમ ને આમ બદનામ કરે છે મને.

-

ફોગટ પ્રવાસ

તારો મીઠો મધુર અવાજ મને યાદ રહેશે
તારો કાતિલ જુનો અંદાજ મને યાદ રહેશે
કોણ જાણે કેટલાય વર્ષો વીતી ગયાં છે તારી પાછળ
તોય તારા દરેક પડછાયે મારો સંગાથ મને યાદ રહેશે.

મારા હાથમાં હતો એ તારો હાથ મને યાદ રહેશે.
પળવારનો જ હતો તારો એ સાથ મને યાદ રહેશે.
આ મારી લાગણી સમજુ કે કુદરત ની કોઈ રમત,
પણ મીઠો હતો એ તારો એહસાસ મને યાદ રહેશે

પહેલી‌વાર હતી એ કેવી! મુલાકાત મને યાદ રહેશેે
થોડી તારી ને થોડી મારી થયેલી એ વાત મને યાદ રહેશેે
હવે નથી રહી કોઈ તમન્ના તને પામવાની
અત્યાર સુધીનો ખાલી આભાસ મને યાદ રહેશે.

છે આખો દરિયો તોયે અખાત મને યાદ રહેશે.
ખુબ ઊંડો પડ્યો તો એ આઘાત મને યાદ રહેશે.
આ જીંદગીની સફર હવે, થંભી જાય તો સારૂં છે,
બાકી,ફોગટ માં રહેલો આ પ્રવાસ મને યાદ રહેશેે...

-