Thukrao ab ki pyar karo main nashe mein hun jo chaho mere yar karo main nashe mein hun Ab bhi dila raha hun yaqin-e-wafa magar Mera na Aitbaar karo main nashe mein hun Ab tum ko iKHtiyar hai ai ahl-e-karwan jo raah ikhtiyar karo main nashe mein hun Girne do tum mujhe mera sagar sambhaal lo itna to mere yar karo main nashe mein hun apni jise nahin use Meri ki kya Khabar Tum us ka intizar karo main nashe mein hun
Ulfat badal gai kabhi niyyat badal gai, Khud gharz jab hue to phir seerat badal gai, Apna qusoor doosron ke sar pe daal kar, Kuch log sochte hain haqeeqat badal gai,
Ek khalish ko hasil-e-umr-e-ravan rahne diya jaan kar hamne unhen na-mehrban rahne diya Aarzu-e-qurb bhi bakhshi dil-o- ko ishq ne fasla bhi mere unke darmiyan rahne diya kitni diwaro ke saaye haath phailate rahe Ishq ne lekin hamen be-khanuman rahne diya apne apne hausle apni talab ki baat hai Chun liya hamne tumhe saara jahan rahne diya kaun is tarz-e-jafa-e-asman ki daad de Baagh saara phunk daala ashiyan rahne diya ye bhi kya jeene me jeena hai baghair un ke ‘Mehar’ Shama gul kar di gayi baaqi dhuan rahne diya