बस मोहब्बत सच्ची होनी चाहीये ।

-

तुझी गझल होता येत नाही मला
मी माझ्या मुक्त छंदात बरा आहे
असलो जरी असा अर्थहीन मी
पण हा भावनांचा पसारा खरा आहे

-

माझ्या देहात तुझा देह
मिसळणार नाही कधी
पण शब्दांचा प्रणय आपण
दोघेही विसरणार नाही कधी

-

खूप झाली विचारांची टेहाळणी
चल आता सीमा ओलांडून पाहू

-

ओंजळ रिकामी होई पर्यंत आयुष्य आहे
पण ओंजळीत माझे असे काहीच नाही

-

जीवघेणी आहे ही नशा भावनांची
मला लिहिण्याचे व्यसन लागले आहे

-

देऊ किती पुरावे तुला, प्रेमाचे रोज माझ्या
आता माझाही प्रेमावरचा विश्वास उठला आहे

-

तू टाळलेस बोलणे तेव्हा
जेव्हा मी तुला चुकीचा वाटलो
चूक माझीही झाली होती तेव्हा
जेव्हा मी तुझ्यावर भाळलो

-

माझ्या ओंजळीत घेतले
मीच माझे दुःख तेव्हा,
जेव्हा सुखाच्या पाकळ्या
तुझ्या ओंजळीत कुणीतरी ठेवून गेले

-

मला ओळखायला तुला असे,
कधी मुळीच जमणार नाही
मी अनोळखी लोकांना तसा
सहजासहजी कळत नाही

-