Tumhare intezaar mein
Likhi gayi kavitaayen,
Ab neend mein chalne lage hain!
Unhe ummeed nhi meri baaton par,
K tum jald hi unse milne aaoge,
Aur saath mein unke liye waqt laaoge,
Unhe ummeed nhi!

-

Deewarein rooth gayi hain mujhse,
Yeh ab mujhe andar nhi bulate,
Mere kisso ko dhyan se nhi sunte,
Mujhe unke beech rehne ki jagah nhi dete,
Bechain rehte the har pal jo deewarein,
Ab eet eet bus sthir khade rehte hain!

-

Tumhe chhod kar aur kya sochu?

Andhakar ki partey gehri hain,
Tum aaj phir ek tara tod laao na!
Samast taramandal ki raunak kafi nhi,
Tum mere taramandal ban jaao na!

Mann ashant hain aajkal inn lehron se,
Meri bhavnao ko gale lagao na!
Mann yadi hain tumhara sagar jaisa,
Inki goonj apne bheetar sama lo na.

Tumhe chhod kar main aur kya sochu?
Yehi sochte sochte aksar kaise,
Tumhare aur irdh girdh ja kar pahuchti hoon.
Aise hi kabhi kabar,
Tum bhi kisi bahane se,
Mere irdh girdh aa jaao na!
Mere taramandal ban jaao na!
Mere apne sagar ban jaao na!

-

Tumhare intezaar mein~

Main anant ek raat ban,
Anginat taaren jalati rahi,
Har ek subah ki khoj mein,
Neend ko nazarandaz karti gayi.

Rangeen badalon ki khwahish dabaye,
Main baarish ko ghar bulati gayi.
Aankhon ki mitti gili thi lekin,
Palkon k saaye tumhe rakhti rahi.

-

Beychain rehti hain raahen ab,
Kuch mahino se zara anban hain,
Fursat mile toh aa k dekhna,
K ye sab kiske karan hain.

-

Apr 25, 8:30 pm

I look into the mirror,
trying to rescue the pieces of my old self still remaining,
those that often peep out through my eyeballs
and mostly stay inside my trembling heart.
My heart trembles, sometimes in fear, sometimes in underestimation,
sometimes carrying the burden of all desires that ended up in vain,
throughout all these years.

I don't know exactly,
how to rescue my pieces, but somedays like today,
I feel the necessity to do so.
I yearn for a safe corner for them. I wish I could
provide them with a life jacket, to prevent them
from exhaustion any further.

-

Jab antarmann ki khamoshi goonj uthe,
Aur kahi pohochne ka kinara na ho,
Sitaron k sehron mein jab,
Anginat khwaabon ki laashein ho~
Tab tumhare pass aane se agar,
Ek sitara har roz ghar aane lage,
Tumhe choo kar agar,
Patajhaad bhi khilne lage,
Aur badalon ki baahen rangeen ho kar
Aasman ko gherne lage,

Toh batao~
Tumhare aage aur kya hain?
Tumse behtar aur kya hain?

-

Tum tak pohochne mein,
Aur dur kahi kho jaane mein,
koi antar nhi~

Tum ho mano jaise,
Samaaj k viparit behti koi dhara,
Jisne nadi k roop ko tyag kar,
Mann k bhedon ko samajhna chaha.
Tum se hokar guzarti,
Anginat chintayein meri,
Kahi ko na pohoch kar bhi
Uttar de jati hain.
Sayad ho tum mere hi mann k swaroop,
Jis k roop se main bhi anjaan hoon.
Lekin meri zarooraton ne aksar,
Tum hi ko ghar mana hain,
Raah chalte khwaabon ko mere,
Tum hi ne sahara diya hain.

— % &Aur tumhare liye kabhi kabar,
Sabdon ki kami ho jati hain.
Kyu ki bohot si baatein hain,
Jiske karan tum ek acche insaan ho,
Jiske karan main tum se jud jaati hoon,
Jaise jud jaati hain motiyaan,
Maheen kisi dor k sahare.
Aur aise hi tumhare milne se,
Hazaron logon ki bheed,
Aur hazaron tarah k shor,
Mano kahi jaa kar sthir ho jaate hain.
— % &Ab isse pyaar kaahe ya phir apnapan,
Issi duvidha k rehte,
Ek bar phir tumse milna chahti hoon,
Issi ummed mein k tum tak pohochte pohochte,
Inn dono mein koi antar na raahe.


Waise hi jaise ~
Tum tak pohochne mein,
Aur dur kahi kho jaane mein,
Koi antar nhi !— % &

-

Seharon ki bhaagdaur mein,
Mere chanchal mann ki rait
Kahi jaa kar thehre agar,
Toh woh haath tumhari hogi,
Yeh main janti hoon.

Kitna mushkil hota hain,
Kisi k chanchal mann ko sambhalna.
Neeji jeevan k utar charav k
Saath saath,
Kisi aur ki raahein jan jana,
Kisi aur ko sambhalna,
Kitna mushkil hota hain ye sab.
Aur yeh tumhe aata hain.

Gumsum inn galiyon mein,
Kahi se agar ek chehra dikh jaye,
Kahi se agar tum dikh jaon~
Toh log keh payenge,
K yeh galiyaan bekar hi badnaam hain!

-

Dekho aaj ek bar phir se,
Tumhare naam ki khat kho gayi,
Na jaane kahan ko chalke,
Woh chupke se ja so gayi.

-