Hazaar chirrag kr de roshan koi bastii me..
Dil udas hai jab talak ghar me andhera hai..

-

Shab ki tareeki se dar nhi lagta mujho ab to. .
Ek jugnu mere angan me bhi hai baitha rehtaa..

-

Seene me dabaye liye phirtaa hoon me gohar...
Paani meri aankhon ko mayassar hi kahan hai..

-

Naqsh se tere kar diya diwaar ko rangeen..
Kaanch ke kuch tukre chubhe hue the is me..

-

Roz takta hoon aayine me khud ko..
Kaise keh doon ke pathharoon me jaan nhi..

-

Faqat auraaq ko sairaab karoon ashk se apne..
Ya khoon-e-jigar se koi tehreer bhi likh doon..

-

Jaari kashmakash lehroon se hai dooba nhi hoon..
Me sach ka paikar na shi magar jhoota nhii hoon..
Jamii to gard mere chehre par bohat hai..
Aks apna dekhta hoon aayine se rootha nhii hoon..
Me us drakht ka ek sookha patta hii shii lekin..
Munsalik shaakh se ab tak hoon toota nhii hoon..

-

Sunsaan galliyan hain aur raat ki tanhaai hai..
Aur us pe rulaane ko teri yaad aayii hai..
Quvvat-e-jumbish baaqi mere honthoo me hai kahaan..
Dard mera bataane ko har aah meri chillaai hai..
Kho na jaaon me masarrat ke andheroon me kahiin..
Tareeki mitaane ko dard ki shamma jalaai hai..

-

Chehre banaa raha hoon ,me bhi ab..
Is sheher ne fankaar banaa diya mujhko..

-

Aayine se dhool udhaa de ab..
Khaak ko khaak me mil jaana hai..

-