I feel happy when I see you
Oh,greyish cloud my smile is in you
To my destiny dissolve in your drop
I wait eagerly my worries become gallop

Hey friend cloud,welcome to my yard
My life without you,always much more hard.
The seeds tiny,poor ready to seedling
Have rain here bless me my darling.

Let Pelt down of rain,getting more happiness.
So shine Different pearls of Veges,fruits and grains ...

I am thankful of you my dear.
Makes me relax,free from fear
When you stay with me as rain
I get my breathe,again and again..

-

*। माय मराठी।*
मुक्या भावनांचे सोडवेना पाश
कसे मुक्त करावे, गुंतले स्वरामध्ये श्वास
आता आळवाव्या,किती कंठी भाषा
माय मराठीच्या ठाई नव्या जीवनाची आशा।।ध्रु।।
*शब्द हुंकाराचाही जन्मास येथे येतो
मधूर अमृताचा पिसारा ओव्यातुन खुलतो
कधी करारी तलवार जेणे घडे सुयशा
माय मराठीच्या ठाई नव्या जीवनाची आशा।।१।।
*संत वर्णतो येथे,संत घडतो येथे
संस्कार संस्कृतीचे सुर साधतो येथे
येथेची उजळे ज्ञानसुर्य,सरे अज्ञानाची निशा
माय मराठीच्या ठाई नव्या जीवनाची आशा।।२।।
*गहिवरलेला हुंदका गातो काळजाचे गीत
मोहरलेल्या क्षणास गुंततो
अक्षरांच्या मैफीलीत
कळणाऱ्यासी अर्थ कळे,जी दावी प्रभावी दिशा
माय मराठीच्या ठाई नव्या जीवनाची आशा।।३।।
*Read Continue in Caption

-

आयुष्यात गवसले क्षणोक्षणी
बदलणारे पाने अनेक
त्यांचीच करून बांधणी
केली जीवनाची वही मी एक

वाटले ल्याहावे सुख दुःखाचे
लेख जरा मार्मिक
टपोऱ्या अक्षरातुन एखादी
नशीबाला द्यावी मेख

कोरी राहु लागलीय वही माझी
लटके भाव,ना काहिच नेक
लिहताच येईना अक्षर काही
काळजात पुरली कळकळीची हाक.

-

अतरंगी दुनियेत या
रंग फासले जतील फसवे
आपुलकीचे,प्रेमाचे
का खरे असेल ते आसवे

-

दोन विरुद्ध टोकाचे धागे
बांधुनि केली जी गाठ तु
ना विरतो धागा,ना सरतो ही मग
का उगाच दावीतो हि वाट तु
दिली मज अश्याची अवघड साथ तु ।।

नसे आदर जया इतरांचा
नसे तमा तयांच्या भावनाचा
मजवरी नको हि जबाबदारी
मी बसतो बघत अन नाच तु
दिली मज अश्याची अवघड साथ तु ।।

मी करता प्रयत्न,घट्ट गाठ व्हावी
नशीबाचे देण तीला सुखाने उजाळावी
परी दुसऱ्या धाग्यास नको हि बांधणी
म्हणे, हवे तर सोडून हे सारे जा तु
दिली मज अश्याची अवघड साथ तु ।।

-

गोड नाम हो रामाचे
घेता मुखी सौख्य साचे
अधिराज्य काळजावरी
जय "श्रीराम" नामाचे।।
कैवल्य साजिरे रुप
दया करूणा असे अनुप
दूर पळती संकट दुःखाचे
मुखी नाम घेता रामाचे।।
हर्ष दाटला अती मनी फार
अयोध्येस राम परतणार
वैकुंठ भुमीवरी असल्याचे
वाटे नाम घेता रामाचे ।।
किती जन्माचा हव्यास
रामभुमीत हवा रामवास
करून पालन या वचनाचे
मंदीर बांधले श्रीरामाचे।।
आता उभारले रामयुग
धर्मरक्षण करणे भाग
प्रण धरून एक वचनाचे
प्राण अर्पितो चरणी रामाचे ।।

-

कळावा कृष्ण
वळावा कृष्ण
रूळावा कृष्ण
मनोभावे.....
आवळावा कृष्ण
सावळा कृष्ण
भाळावा कृष्ण
नामाद्वारे......
सजावा कृष्ण
भजावा कृष्ण
दिसावा कृष्ण
अंतर्भावे.....
आता रंगु द्यावा कृष्ण
बासुरीसंगे छंदावा कृष्ण
आणिक श्वासात गोंदावा कृष्ण
अजरामर व्हावे......

-

ज्येष्ठा कनिष्ठा दोघी बहिणी,माय गौराई म्हणुनी
सोनियांच्या पावलांनी या गं माझीया अंगणी।
किती वर्णु हे रुप,दिव्यत्वाची जी प्रतीमा
प्रेम,माया,दया करुणा जेथे मिळते क्षमा
सुख समाधान लाभे त्यांच्याची चरणी
सोनियांच्या पावलांनी या गं माझीया अंगणी।
पाच धान्याची आरास,रंग रांगोळीचे खुले
ओटी भरुन सौभाग्याची मनी चैतन्य डुले
नांदो सुख,आरोग्य संसारी हे माये तुझ्या कृपेनी
सोनियांच्या पावलांनी या गं माझीया अंगणी।
देते नैवैद्य आंबीलीचा,पुरणपोळीचा भरवते घास
कथली,वडे,पापड कुरडई तुझ्यासाठी करते खास
तांबुलाचा देते विडा,तुम्ही खुश व्हाव्या म्हणुनी
सोनियांच्या पावलांनी या गं माझीया अंगणी।
अजुनी काय मागु तुजला,तु सेवा माझी गोड मान
माहेरवाशीणीचा जो थाट तुझा,तोच कर तु सर्वांना दान
असु दे माहेर सर्वांचे नित्य सुखी समाधानी
सोनियांच्या पावलांनी या गं माझीया अंगणी।

-

नाही जीव राजी बाप्पा तुला निरोप द्यायाला
माझा बाप्पा "तु फ्रेंड माझा" सांग ना रे या जगाला...
तुझ्यासाठी सजविले किती सुंदर मखर
चमचमत्या दिव्यांतुनी शोभे रुप हे साजर
दुर्वा,शमींची आरास हवी तशी देईन तुला
नाही जीव राजी बाप्पा तुला निरोप द्यायाला।
मोदक,लाडु,पुरणपोळी,सोबतीला केसरपेढे
सारेच घे तु तुला हवे तर, माझे ऐक ना एवढे
नको जाऊ ना रे परत तु तुझ्या त्या गावाला
नाही जीव राजी बाप्पा तुला निरोप द्यायाला।
कित्ती कित्ती मज्जा करु,उंदरावरुन फिरून येऊ
टाळ मृदुंगाच्या तालात नव्या आरत्या गाऊ
तुला नेईल शाळेत मी माझी शाळा दाखवायला
नाही जीव राजी बाप्पा तुला निरोप द्यायाला।
करेन अभ्यास दररोज मी नाही देईन आईला त्रास
मोठ्ठा होईन,नाव कमवीन हाच मनी आहे ध्यास
हवी तुझी साथ मला माझे ध्येय साधायला
नाही जीव राजी बाप्पा तुला निरोप द्यायाला।
"तु माझा काळजाचा तुकडा माझा गणुबाळ"
आईने म्हणताच मला, वाटे ठेंगणे आभाळ
बाप्पा,आईची तुझ्या आठवण आली .??....
जा. जा तिच्या कुशीत दडायला
पण ये हो नक्की पुन्हा माझ्या संगे खेळायला
नाही जीव राजी बाप्पा तुला निरोप द्यायाला।

-

लखलखत्या दिव्यांची रचुनी मांडियाळी
अंधकाराचा नाश करण्या आली दिवाळी
अंधकार भयाण दुःखाचा
जेथे ठाव ना सुखाचा
नवचेतन जागवण्याची सुबक सुंदर रांगोळी
अंधकाराचा नाश करण्या आली दिवाळी।।
शुद्ध करावा परिसर ,घर आणिक मन
नात्यातले हेवेदावे सारे जावे विसरून
वात अशा विचारांची मनी सदा उजळावी
अंधकाराचा नाश करण्या आली दिवाळी।।
गोड करावे,वाटावे जेणे गोडवा नांदावा
लक्ष्मी सरस्वतीचा संगम,शुद्ध भावे साधावा
शुद्ध ज्ञानाचा प्रकाश नित्य भराव्या ओंजळी
अंधकाराचा नाश करण्या आली दिवाळी।।
नाश करावा अधर्माचा,जेणे बुडवितो धर्म
सदासर्वकाळी करावे संस्कार क्षम कर्म
हिच शिकवण देण्या साजरी करावी दिवाळी
अंधकाराचा नाश करण्या आली दिवाळी।।

-