ಬಾಳಯಾನದಲಿ ಮಿತ್ರರು ಬಲ ತುಂಬಿಸಿದರೆ,ಶತ್ರು ಛಲವನ್ನು ನೀಡುತ್ತಾರೆ.
ಸಂಬಂಧಗಳನ್ನು ಹೇಗೆ ನಿರ್ವಾಹಿಸಬೇಕೆಂದು ನಮ್ಮ‌ ನಾಲಿಗೆಯ ಮಾತುಗಳ ಹಿಡಿತದಿಂದ ಒಳಿತು ಕೆಡಕು ನಿರ್ಧಾರವಾಗುವುದು.

-

ಇದ್ದುದ್ದರಲ್ಲೇ ತೃಪ್ತಿ ಪಟ್ಟು ಜೀವನ ನಡೆಸುವವನು ಸಿರಿವಂತ...
ಇನ್ನೊಬ್ಬರ ಐಸಿರಿಯನ್ನು ಕಂಡು ಮರುಗುವವನು ನಿಜವಾದ ಬಡವ.

-

ನಿನ್ನೊಲವ ನಗುವೇ
ಹಬ್ಬದ ವಾತಾವರಣ
ಬಯಸಿದೆ ಮನವು
ನಿನ್ನಾಗಮನಕ್ಕಾಗಿ ಪ್ರತಿಕ್ಷಣ

-

ಸುಳ್ಳು ಹೇಳಿ ಜನರನ್ನು ನಂಬಿಸುವವರಿಗೆ ಸತ್ಯ ಎಂದೂ ಕಹಿಯೇ ....ಇಂತವರೇ ಎಲ್ಲರಿಗೂ ಇಷ್ಟಪಾತ್ರರು...ಒಮ್ಮೆ ಸುಳ್ಳಿನ ಕವಚ ಕಳಚಿದಾಗ ನಿಜರೂಪ ಎಲ್ಲರಿಗೂ ಅರ್ಥವಾಗುವುದು.ಇದೇ ಸುಳ್ಳು ಸತ್ಯದ ವ್ಯತ್ಯಾಸಗಳು.

-

ಚಿಂತೆಯ ಗೂಡಿಗೆ ಸಿಲುಕದೆ
ನಗ ಬೇಕಿದೆ ಎಲ್ಲ ಮೆರೆತು
ಹಗೆ ದ್ವೇಷಕ್ಕೆ ನಲುಗದೆ
ಒಲವ ಬಾಂಧವ್ಯದೊಂದಿಗೆ ಬೆರೆತು

-

ಒಲವ ಮಾತಿನಿಂದ ಮಾಡಿದೆ ಮೋಡಿ
ಸಿಹಿಜೇನಿನಂತೆ ಅಕ್ಕರೆಯ ಆಶ್ರಯ ನೀಡಿ
ಸಾಗಿದೆ ಹೊಂದಾಣಿಕೆಯ ಸಂಸಾರ ಬಂಡಿ
ಮಧುರವಾಗಿ ಉಳಿದಿದೆ ಬಾಂಧವ್ಯ ಕೊಂಡಿ

-

ಸಾಹಿತ್ಯ ಲೋಕದ ಅನರ್ಘ್ಯ ಮುತ್ತು
ಬಂಟ ಶಿರೋಮಣಿ ಬಿರುದಾಂಕಿತ ಗತ್ತು
ಮಮತೆಯ ಪ್ರೀತಿಪ್ರೇಮ ಮಡಿಲ ಹೊತ್ತು
ನಿಮ್ಮ ಆಶೀರ್ವಾದವೇ ಬಾಳಿಗೆ ಕರಾಮತ್ತು

-

ಸುಜ್ಞಾನ ಬೆಳಗುವುದು ಪುಸ್ತಕ
ಚುರುಕುಗೊಳ್ಳುವುದು ಮಸ್ತಕ
ಬಾಳಮೌಲ್ಯ ತಿಳಿಸುವ ದ್ಯೋತಕ
ಅಂಧಕಾರವಿದ್ದರೆ ಬಾಳಿಗೆ ಮಾರಕ

-

ಹಸಿರು ಹೊತ್ತ ಮಡಿಲಿನಲಿ
ಭಾವನೆಗಳ ಭವ್ಯ ತೇರಿನಲಿ
ನೆನಪುಗಳ ಸವಿ ಅಲೆಯಲಿ
ಬಾಳ ಬದುಕಿನ ಪಯಣದಲಿ

-

ಎಲ್ಲಿ ಪ್ರೀತಿ ಕಮ್ಮಿ ಆಗುತ್ತ ಹೋಗುವುದೋ ಅಲ್ಲಿ ತಪ್ಪುಗಳ ಸರಮಾಲೆಯೇ ಕಾಣಲು ಸಿಗುವುದು ಆದರಿಂದ ಸ್ನೇಹ ,ಒಲವು ,ಪ್ರೇಮವನ್ನು ತಾಳ್ಮೆಯಿಂದ ನಿಭಾಯಿಸಿದರೆ ಬಾರದು ಕೆಡುಕು.

-