तुझ्या डोळ्यात झोप नाही
माझ्या डोळ्यात स्वप्न कसे
न पाहताही मनास या वेड्या
तुझ्या डोळ्यांतले शल्य दिसे

-

मन ने भलेही जुडना चाहा
चलो इक साथ बिछडते है
युंही अचानक मिले थे जहां
चलो वो गलिया भी छोडते है

-

डोळ्यात दाटे तुझे स्वप्न
नीज नेली चोरुन कुणी
ओलांडून कक्षा अधिकाराची
हरिणी न्यावी हेरून कुणी..

-

अंतरंगातला दाह
श्रावणातला गारवा
नशिबाची चेष्टा परी
स्वभावातला मारवा.

-

नुकतंच हातात पडलंय...
आदरणीय मो.ज.मुठाळ सरांचं
सस्नेह नवंकोरं पुस्तक..

-

"ती वाट सोपी नाही"
न गेलेलाच सांगतो..
करण्याआधी धाडस
विचार नेमका पांगतो.

-

दिन चिरायु होवो
भारतीय स्वातंत्राचा
अर्थ नेमका कळू दे
खऱ्या लोकशाहीचा..

-

आपलं नशीब सांगा
आपण कुठे पाहतो
कर्म पडते बाजूला
नशीबा लाखोली वाहतो

-

धनरेषा जरी अस्पष्ट आहे
माझी पावलं नाही थांबली
मी जगतो माझ्या मर्जीने
आयुष्य वेचतोय सदाफुली

-

हा पाऊस अन् त्या
आठवणी आपल्या
पाऊस दरवेळी नवा
काढतो फक्त खपल्या

-