Bheed ki is safar mein,
Dhundli si khwaishein hain
Anjaan raaste, ajnabi galliyon mein
Aage jo badh rahe hum,
To har kadam par pukarti
Kitni hi yaadein hain...
Theherte, sisakte, kaanpte mere ye kadam,
Phir bhi chal rahe
Shaam ki taraf,
Kisi sahar ki talash mein.
Isi ummeed mein ki kabhi to,
Guzregi chandni mere bhi khidkiyon se,
Ki kabhi to shab bhi sahar ban jayegi,
Ki kabhi to tootega ye khwaishon ka bojh,
Aur yaadein saari kahin dafan ho jayengi.
Hasratein, arzuon aur khwaishon ki galliyon mein
Kabhi to sukoon ka ek ghar hoga,
Baramde par bicchi chandni hogi
Na kal hoga na kal ki baatein hongi
Bas jo guzar raha pal, usi ki yaadein hongi.
-