Ek baksa hai teri yaadon ka
Gawah pure kiye un sabhi wadon ka
Samet rakhi hain usme wo saari cheezen
Byaan deti jo meri puri hui muraadon ka
Band is bakse me ek teri wo awaaz hai
Jo saans leta hun main, unka wo aagaaz hai
Sun pata hun teri un khamoshiyon ko bhi main
Jo shayad khud tujhse bhi naraaz hain
Kholun ise to waqt bhi jaise ruk sa jata hai
Zindagi ki sachaai se dil kahin chuk sa jata hai
Yaadon me teri sukoon paya hai maine is kadar
Ki ek pal ko mera har dukh bhi jhuk sa jata hai
Hai ye saboot is rishte ki sari buniyaadon ka
Hai hisaab isme teri un sabhi fariyaadon ka
Bohot sambhaal ke rakha hai maine
Ek baksa teri yaadon ka....
-