Teri masoomiyat aaj bhi waise hi hai jaise pehle hua karti thi...
Teri hasi me aaj bhi wahi jaadu hai jaisa pehle hua karta tha...
Teri aankhein aaj bhi utni hi sachi hai jitni pehle hua karti thi...
Teri baaton me aaj bhi wahi mithaas hai jo pehle hua karta tha...

Toh kya hua jo kuch saal hum door the... Toh kya hua jo hmare raste thode alag ho gaye...
Itne saalo baad wapas mile hai... Koii toh baat hogi?
Aaj bhi waise hi ho jaise pehle the koii toh baat hogi?

-

Tumne kara ek sawaal ki kya ho tum mere liye!
Toh aaj suno jawaab bhi!
Tum hi meri kamzori ho!
Tum hi meri taaqat!
Tum hi meri hasi ho!
Tum hi meri khushi!
Tum hi meri qismat ho!
Tum hi mera guroor!
Tum hi ho wo nayaab tohfa jisse upar waale ne mujhe nawaaza hai!

Tum ho toh sab hai!
Tum nahi toh kuch nahi!

-

Kabhi aankhein dekhi hain apni?
Kaafi baatein karti hain...
Jo tum nahi keh paate wo tumhari aankehin keh jaati hain...
Kabhi maasoomiyat... Kabhi pyaar dikha ke... Kamzarf... Mera dil le jaati hain...
Kabhi gussa... Kabhi naasaazi dikha ke mujhe dara jaati hain...

Ek baat jo main daave ke saath keh sakta hun... Tumhari aankhein kaafi logon ko marwati aayi hain aur aage bhi marwayengi!

Kaafi logon ka dil le gayi h aankhein tumhari aur aage bhi le jaayengi!

-

Tum kehte ho tum jee loge bagair mere...
Tum kehte ho tum bhool jaoge mujhe...

Chalo... Maan li tumhari baat... Bas kuch sawaal aaye zehen me... Socha tumse pooch lu...

Kya wo waade bhool paaoge jo humne ek doosre se kiye hai?
Kya wo sapne bhool paoge jo humne sath me bune hai?
Kya wo yaadein bhool paaoge jo humne saath banayi hai?
Kya wo raatein bhool paoge jo humne saath bitayi hai?
Kya wo rishta bhool paoge jo hamare beech hai?
Kya wo dosti bhool paoge jo hamare beech hai?


Kya bhool paoge tum wo saari masti, chhedkhaaniya, naye naamo se pukarna, wo roothna aur manana?

Agar bhool jaoge toh rakho mere sir pe hath... Khao meri kasam aur kehdo aankhon me aankhein daal ke ki haan, main bhool paungi sab... Ki haan, main reh lungi bagair tumhare...

-

Kuch baatein sunn kar tumhari dimaag me khayaal toh bohot aya ki tod du ye rishta par quwwat na huii kuch kehne ki...

Kya karu... Tum khwahish ho meri...
Kya karu... Tum aadat ho meri...
Kya karu... Jaan jo ho tum meri...
Kya karu... Shaan jo ho tum meri...
Kya karu... Sapne sajaye hai tumhare sath...
Kya karu... Zindagi bitaani leke hathon me tumhara haath...

Ye toh kuch hi wajahein hain jo main likh paya... Inke alawa bohot kuch hai jise bayaan karne ke liye alfaaz munasib nahi!!

-

Kuch harkatein tumhari bhi thi...
Kuch galtiyan meri bhi thi...
Kuch baatein tum ulti bol gaye...
Kuch lafz mere bhi chubhne waale the...

Lekin... Kya in kuch galtiyon ki wajah se ek dusre ki saari acchaiyan bhoolna waajib hai?
Lekin... Kya in kuch chhote mote jhagdon ki wajah se jo sapne sath sajaye hai wo todne waajib hai?
Lekin... Kya in saari achi baaton pe ek buri baat ko zyada tawajjo dena waajib hai?
Lekin... Kya har jhagde pe rishta khatam karna waajib hai?

Poochna nahi chahta tha ye sawaal tumse lekin rok bhi na paya khud ko...

-

Ajnabee (Continued)

Kya wo ajnabee firse us mukaam par toh nahi layga...? Jahan main abhi bhi hu...
Kya wo ajnabee fir se uss majdhaar me toh naa chhodega...? Jaha main kaafi mushkilon se taira hun...

Kya wo ajnabee firse us jagah ko le payega...? Jo Maine khaali ki hain...
Kya wo ajnabee firse un waadon ko nibha payega...? jo pichli baar tode gaye hain...


Bas yahi kuch sawaal mere hain... Jinka chahta hu main pakka sa jawaab...
Ye guzaarish hai uss ajnabee se ki... Iss baar wo soche bhi na todne ka mera khwaab!

-

Ajnabee (continued)

Ek Ajnabee... Jo bann gaya mera sahara...
Ek Ajnabee... Jisne dikhaya mujhe kinaara...
Ek Ajnabee... Jo mujhe dikha gaya umeed...
Ek Ajnabee... Jisko dekh kar hua mujhe rab ka deed...
Ek Ajnabee... Jo aya aise jaise koii farishta...
Ek Ajnabee... Jisne be parwah hokar banaya ek atoot rishta...

Sawaal ye hai ki kya wo Ajnabee apna bann kar wohi manzar toh nahi dikhayga jo maine dekh rakha hai...?

Aur Sawaal ye bhi hai ki kya wo firse wo sapne toh nahi todega jo mere toot rakhe hai...?

-

Ajnabee!

Ek Ajnabee...aaya meri zindagi me...
Ek Ajnabee...bann gaya saya mera...
Ek Ajnabee...jisne benafs pyaar kiya...
Ek Ajnabee... Jisne bekhauf iqraar kiya...
Ek Ajnabee... Jisne dil se pehle mann jeeta...
Ek Ajnabee... Jo baaton se hi dil le baitha...
Ek Ajnabee... Jo paas aya toh apna sa laga...
Ek Ajnabee...Jiska saath rehna sapna sa laga...
Ek Ajnabee...Jisse mera rishta thoda ajeeb hai...
Ek Ajnabee...Jo shayd meri har marz ka Ilm-e-tib hai...

-

Kaash...

Kaash tumse mila hi na hota...
Kaash tumhe chaha hi na hota...
Kaash tumhe paaya toh bilkul na hota...

Zindagi kitni aasaan hoti... Zindagi kitni meherbaan hoti...

Kaash tere paas aya na hota...
Kaash tujhe muh lagaya na hota...
Kaash ke tu kisi aur ki ho jaati...

Zindagi kitni aasaan hoti... Zindagi kitni meherbaan hoti....

-