Do pal khud ke liye jee kar toh dekho,
Iss bhaag daud wali zindagi phir se do pal ek bachhe ke tarah jee kar toh dekho,
Do pal khud ke liye jee kar toh dekho,
Itna bhi kya kaam karna ki khud hi khud ko bhul jao,
Itna bhi kya ladna ki waqt milne pe ghar na laut pao,
Do pal khud ke liye jee kar toh dekho,
Maana zindagi ki race abhi lambi hain,
Jeetne ka junoon thoda zyada hain,
Magar do pal teher ke toh dekho,
Do pal khud ke liye jee kar toh dekho….

-

Kyun chod dete hain hum apne apno ko akele,
Kahi woh bacha waha akele rona aur chup hona seekh raha hain,
Kahi woh budhe maa baap waha dalti umar mein khud ko sahara de rahe hain,
Kahi maa baap ne apne bachon ko sambhalna nahi seekha hain,
Kahi bachon ke liye apne maa baad ki zimmedariyon ka bhoj badha hain,
Kahi woh bacha akela hain,
Kahi woh maa baap akele hain,
Kahi woh anathalaya mein maa baap ke lautne ki aas hain,
Kahi woh vridhashram mein bachon ke pyaar ke lautne ki aas hain,
Kyun chode dete hain hum apne hi apno ko akela,
Rishtein chod dena kya itna aasaan hain aaj kahi….

-

Koi khud se lad raha hain,
Koi waqt se lad raha hain,
Yaha lad raha hain har koi,
Koi kuch paane ke liye lad raha hain,
Koi kuch khone ke liye lad raha hain,
Yaha lad raha hain har koi,
Koi kisike liye lad raha hain,
Koi kisi se lad raha hain,
Koi kisiko paane ke liye lad raha hain,
Koi kisi se durr jaane ke liye lad raha hain,
Yaha lad raha hain har koi,
Yaha jeet raha hain koi, haar raha hain koi,
Magar himmat thodi si rakh raha hain har koi….

-

Shayad ek beti bann na muskhil hain,
Shayad ek beti bann ke sabka dukh, dard, taqleef samajhna muskhil hain,
Shayad ek beti bann ke sabke khushiyon ka khayal rakhna muskhil hain,
Shayad ek beti bann ke sabke liye sochna muskhil hain,
Shayad ek beti bann ke waqt aane pe apna woh aangaan humesha ke liye chodna muskhil hain,
Shayad ek beti hona muskhil hain,
Magar ek badhe bhai ki choti behn hona bahut saral hain…..

-

Haan, perfect toh nahi hun mai,
Haan, best toh nahi hun mai,
Par jaisi hun khud se hun,
Par jaisi hun apne galtiyon se seekhi hun,
Par jaisi hun apni zindagi se banni hun,
Par jaisi hun apne aap se hun….

-

Waqt thaharta nahi,
Uss parinde ko apni udaan tez karni hoti hain,
Waqt badalta nahi,
Uss parinde ko apna rukh badalna hota hain,
Waqt deta dusra mauka deta nahi,
Uss parinde ko phir se udne ki khoshish karni hoti hain,
Waqt de dega saath,
Uss parinde ko dena hoga khud ka saath, rakhna hoga khud pe vishwas, manzil paane ki chah ho jayegi poori kahi….

-

Ek beti hun,
Dard sehna bhi aata hain, dard chupana bhi aata hain,
Ek beti hun,
Dusron ka sunn ke samjhna bhi aata hain, dusron ko samjhana bhi aata hain,
Ek beti hun,
Aansu agar aaye kisi apne ko toh chup karana bhi aata hain, khud ke aansu chupana bhi aata hain,
Ek beti hun,
Dusron ke sapno ko khud se upar rakhna bhi aata hain, khud ke sapne poore karna bhi aata hain,
Ek beti hun,
Beti hone ka farz kya hota hain pata nahi tha, jab pata chala samajh aa gaya kyun har koi ek beti nahi hota….

-

Jo haar gaya apne mann se,
Maano haar gaya iss jag se,
Jo jeet gaya apne dil se,
Maano jeet gaya apni kismat se,
Jag se haar ke jaati hun apne bhagwaan ke paas,
Maang leti hun thodi himmat apne kismat se jitne ke liye….

-

Adhoora ho toh radha krishna jaisa,
Poora ho toh shiv parvati jaisa,
Muskhil ho toh siya ram jaisa,
Intezaar ho toh Laxman Urmilla jaisa,
Pyaar aisa jaisa duja aur kahi nahi,
Pyaar aisa jo pehla ho ya na ho, aakhri zarur ho,
Pyaar aisa jaha do log aur do dil toh ho, magar raaste ek ho,
Pyaar aisa jisme sukoon ho, jisme ek dusre ko samajhna ho,
Pyaar aisa jo sachai se seecha hua ho, jo vishwaas je aanchal mein samaya hua ho,
Pyaar aisa jo poora ho, jo anth se anant tak ho….

-

Jab kho jaate hain hum kahi,
Raaste dhundhle ho jaate hain woh kahi,
Jab sahi aur galat ke beech ka fark nazar nahi aata,
Jab sach aur jhuth kuch samajh nahi aata,
Jab dil dhadhakta toh hain, magar muskurana bhul jata hain kahi,
Jab aansu bhi kishton mein aate hain kahi,
Jab mann bhaari sa lagta hain, raaste khoye se lagte hain,
Jab sab kuch ho ke bhi, hum akele se lagte hain,
Maano jaise duniya chal toh rahi hain, magar pata nahi hain jana kaha,
Tab lagta hain kahi rukh jana chahiye humein, thoda khud ko sukoon de dena chahiye humein kahi….

-