നിനക്കായൊരു വരി...
നിന്നെ തഴുകിയ
ഓരോ ഇളം കാറ്റിലും
കൂട്ടായി ഞാനുണ്ടായിരുന്നു ...
നീ പോലുമറിയാതെ നിൻ
സ്വപ്നങ്ങളിൽ നിനക്കായ്
ഞാൻ നിറയുന്നുണ്ടായിരുന്നു ...
നിൻ മിഴികളിൽ ഞാൻ
വായിച്ചെടുക്കുന്നു എനിക്കായ്
മാത്രം നീ കരുതി വെയ്ക്കുന്ന
പ്രണയത്തിൻ പൂമൊട്ടുകൾ ...
എപ്പോൾ... എങ്ങനെ...
അതൊന്നുമറിയില്ല...
പക്ഷേ ഒന്നു മാത്രം അറിയാം ...
കണ്ടുമുട്ടുന്ന ആ നിമിഷം ...
എന്റെ മനസ്സിൽ പൂവിട്ട...
പ്രണയത്തിന്റെ ഒരു വസന്തകാലം
അത് പൂർണ്ണമായി നിനക്കായ്
മാത്രമായിരിക്കുമെന്നും ...

-

നീയെന്നെ സ്നേഹിക്കണം ...
മറ്റാരുമെന്നേ സ്നേഹിക്കാത്ത പോലെയെല്ല...
സ്നേഹം എന്ന വാക്കിൽ മനസ്സിൽ തെളിയുന്നത്
നിന്റെ മുഖം മാത്രമായിരിക്കണമെന്നപോലെ...
നീയെന്നോട് സംസാരിക്കണം...
മറ്റൊരു ശബ്ദവും എന്റെ കാതുകളിൽ പതിയാത്ത വിധമല്ല...
നിന്റെ സ്വരം മാത്രമേ എനിക്ക് പ്രതിധ്വാനിക്കു എന്നപോലെ...
നീയെന്റെ കൈകൾ ചേർത്തു പിടിച്ചു നടക്കണം...
ഇനിയൊരാൾക്കും ചേർന്നു നടക്കാൻ പറ്റാത്തപോലെയല്ല...
നീ ചേർന്നു നടന്നല്ലേ ഞാൻ പൂർണതയിലെത്തു എന്നപോലെ...
അവസാനം നീയെന്നോട് പറയണം...
എന്നോളം നിന്നിലും,നിന്നോളം എന്നിലും മറ്റാരും കടന്നുവരില്ലെന്ന ആഴത്തിൽ സ്നേഹിക്കപ്പെടുന്നുണ്ടെന്നഅത്രമാത്രം....

-

-

നൽകിയ കരുതലിനും സ്നേഹത്തിനും കാത്തിരിപ്പിനും
പകരം തരുന്ന ചതിയുടെ കനലുകൾക്ക് ക്ഷമയുടെ
ഔദാര്യത്തിനു പോലും അർഹതയിലെന്നു മൗനം
സാക്ഷ്യപ്പെടുത്തുന്നു...!!!

-

മടുക്കും വരെയല്ല, ഒരിക്കൽ മനോഹരമായി തീർന്നതിനെ മരണം കൊണ്ടു മാത്രം വേർപ്പെടുത്തിയെടുക്കാനാവും വിധം സ്നേഹിക്കാൻ സാധിക്കുകയെന്നതാണ് യഥാർത്ഥ പ്രണയം...!!!

-

നീ നീയായും ;
ഞാൻ ഞാനായും ;
ഇരിക്കട്ടെ...
എനിക്കുവേണ്ടി നീയോ...
നിനക്ക് വേണ്ടി ഞാനോ...
മാറേണ്ടതില്ലെനിരികെ,
എനിക്കായി നീ മാറി തുടങ്ങിയെങ്കിൽ
നിന്റെ priority യിൽ
നിനക്ക് മുകളിൽ ഞാനുണ്ട്...
നീ നിന്നെക്കാൾ അധികം എന്നെ
സ്നേഹിക്കാൻ തുടങ്ങിരിക്കുന്നു...

-

വേർപാടിന്റെ വേദന
അറിഞ്ഞതിനാലും
കാത്തിരിപ്പിന്റെ ദൈർഘ്യം
കൂടിയതിന്നാലും
സതി,
ജനിമൃതികൾക്കപുറം
പുനർജനിയിലെ
നിന്നിലേക്കുള്ള
യാത്രയാണ് പാർവതി..

-

ഒരുകാലത്ത് എന്റെ സ്വന്തം എന്ന് കരുതിയിരുന്ന ഒരാൾ മറ്റൊരാൾക്ക് സ്വന്തമാകുന്നത് കാണാൻ പോകേണ്ടി വരുകയാണ് ഞാൻ...
ഓർക്കുതോറും എന്തിനോ കണ്ണുകൾ പെയ്തുകൊണ്ടേയിരുന്നു...

-

മിഴിനീർപ്പൂക്കൾ
വിടരാൻ മാത്രം
കനൽ വസന്തം
തീർത്തവനെ
നോവിന്റെ ശാഖയിൽ
വിരഹത്തിന്റെ ചില്ലകളിൽ
ഹൃദയപുഷ്പം
നീറി ചുവക്കുന്നു...

-

ആ ഒരാളുടെ തിരിച്ചുവരവിനായ് ഞാനെത്രനാളായി കാത്തിരിക്കുന്നുണ്ടെന്നോ...!

-