നിന്നിൽ നിന്ന് എന്നി ലേയ്ക്കൊഴുകുന്ന സ്വരങ്ങൾ, കാരണങ്ങൾ വെളിപ്പെടുത്താത സമരത്തിൽ ഏർപ്പെടുമ്പോൾ, നിനക്ക് നോവാതിരിക്കാനായ്... മൗനത്തെ കൂട്ടുപിടിച്ച് ഉള്ളിലെരിയുന്ന കനലുകൾ ആളിക്കത്തിച്ച് സ്വയം എരിഞ്ഞടങ്ങാറുണ്ട്.
എത്രമേൽ മനോഹരമായിട്ടാണ് നീ എന്റെ സ്വപ്നത്തിൻ പാതി മുറിച്ചത്. ആരോരും അറിയാതെ നിന്റെ നാലറയ്ക്കുള്ളിൽ തളിരിട്ട മോഹങ്ങളെല്ലാം വാടി കരിഞ്ഞത് നീ കണ്ടിരുന്നുവോ... നിന്റെ സിരകളിലും ധമനികളിലും തട്ടി തടഞ്ഞു ഒഴുകി കൊണ്ടിരുന്ന എന്റെ പ്രണയത്തിനു നിന്നോളം ചുവപ്പുണ്ടായത് നീ എന്തേ അറിഞ്ഞില്ല.നിന്നിൽ ആഴ്ന്നിറങ്ങിയ പ്രണയം നെഞ്ചിലൊരു നീറ്റൽ മാത്രം ആവശേഷിപ്പിച്ചു ഉത്തരം കിട്ടാത്ത കടങ്കഥയായി മാറി കഴിഞ്ഞിരിക്കുന്നു. എന്തിരുന്നാലും, പ്രതീക്ഷകൾക്കൊന്നും നിന്റെ മിടിപ്പിന്റെ ദൈർഗ്യം ഇല്ലെന്നു വീണ്ടും നീയെനിക്കു മനസിലാക്കി തന്നതിനു ഒരുപാട് നന്ദി . എല്ലാ തിരിച്ചറിവുകൾക്കും സാക്ഷിയായ് നീ ഇനിയും ഈ യാത്രയിൽ എന്നോടൊപ്പം ഉണ്ടാവുമെന്ന് വിശ്വസിച്ചു കൊണ്ട് ചുരുക്കുന്നു.