ହୃଦେ ପୀଡା କ୍ଲେଶ ମୁଖେ ସଦା ହସ
ମାଇଁଙ୍କ ପୂର୍ଣ୍ଣ ଜୀବନ,
କର୍ତ୍ତବ୍ୟରେ ରତ ଦାୟିତ୍ବରେ ବ୍ୟସ୍ତ
ପରିବାରର ବନ୍ଧନ ।

ଇଶ୍ବର ଭଵନେ ଭଵାନୀ ଯେସନେ
କେଶବଙ୍କ ବିଷ୍ଣୁପ୍ରିୟା,
ମାମୁଁ ମାଇଁଙ୍କର ଦରଶନ ମାତ୍ରେ
ନେତ୍ରେ ଖେଳି ଯାଏ ଛାୟା ।

ପାଞ୍ଚ ପ୍ରାଣୀଙ୍କର ପଚିଶ ପ୍ରକୃତି
ଵୁଝି ପାରି ଥାନ୍ତି ମାଇଁ,
ମାତୁଳାୟରେ କର୍ତ୍ତବ୍ୟପରାୟଣା
ସୁନା ବୋହୁ ଛନ୍ତି ହୋଇ ।

ଦୁନିଆ କୁହଇ ଆମ ରୁବି ମାଇଁ
ସଭିଙ୍କ ହୃଦ ରତନ,
ମୋ ମାମୁଁ ମାଇଁଙ୍କୁ ବିବାହବାର୍ଷିକେ
ହାର୍ଦ୍ଦିକ ଅଭିନନ୍ଦନ ।

-

ଉଡ଼ି ପୁଷ୍ପୁ ପୁଷ୍ପ ମନରେ ସଂକଳ୍ପ
ସଞ୍ଚିବି ମୁଁ ମଧୁ ମାତ୍ର,
ଜଗତ ମଙ୍ଗଳ ନିମିତ୍ତ ମଧୁର
ତ୍ୟାଗ କରଇ ଭ୍ରମର ।

ବାସ୍ତବ ସୁଖ ଯେ ଭୋଗରେ ନ ଥାଏ
ତ୍ୟାଗରେ ଯେ ଥାଏ ରହି,
ଭ୍ରମର ପାଶରୁ ଏ ମହତ ଗୁଣ
ଶିଖି ଛନ୍ତି ମାମୁଁ ମାଇଁ ।

ବଡ଼ ମାମୁଁ ମୋର ସ୍ୱୟଂ ଆଶୁତୋଷ
ଶୀଘ୍ର ଯାନ୍ତି ତୋଷ ହୋଇ,
ଚଞ୍ଚଳା ତରୁଣୀ ଲକ୍ଷ୍ମୀ ଠାକୁରାଣୀ
ସତେ ମୋର ରୁବି ମାଇଁ l

କୁସୁମ ଉଦ୍ୟାନେ ପୁଷ୍ପର ସନ୍ଧନେ
ଭ୍ରମର ଯେ ବିଚରଇ,
ମାଇଁ ଙ୍କ ଜୀବନେ ମାମୁଁ ଆଗମନେ
ଉଦ୍ୟାନେ ପୁଷ୍ପ ଲାଗଇ ।

-

****"ଜନ୍ମଦିନର ଶୁଭେଚ୍ଛା"****
ଜିଲ୍ଲା ଅନୁଗୁଳେ ଜନମିଲା ପରେ
ବିଦ୍ୟାଧ୍ୟୟନେ ସମ୍ପୃକ୍ତ,
ପାଠ୍ୟ ଖସଡ଼ାର ସମାପନ ପରେ
ଶିକ୍ଷକ ରୂପେ ନିଯୁକ୍ତ ।

ଆଶିଷ ନାମର ସାର୍ଥକ ନିମିତ୍ତ
ଲଭି ପ୍ରଭୁ ଆଶୀର୍ବାଦ,
ଆଦର୍ଶ ଶିକ୍ଷକ ରୂପେ ପରିଚିତ
ଧନ୍ୟ ତୁମେ ବିଶାରଦ l

ରୂପେ ଅପରୂପ ସତେ କି କନ୍ଦର୍ପ
ବାମା ହୃଦ ଚୋରି କରି,
ଉଛୁଳା ଯୌବନେ ପ୍ରେମ ପ୍ରଣୟରେ
ବିତେ ତବ ଦିବା ରାତ୍ରି ।

ପିତା ମାତାଙ୍କର ସୁଯୋଗ୍ୟ ସନ୍ତାନ
ପଡା ସାହି ଉଚ୍ଚାରଇ,
ତୁମ ପରି ଜଣେ ବନ୍ଧୁଙ୍କ ସାନିଧ୍ୟେ
ଧନ୍ୟ ହେଇ ଗଲି ମୁହିଁ ।

ପ୍ରଭୁ ଜଗନ୍ନାଥ ହୁଅନ୍ତୁ ସହାୟ
ସୁଖେ ବିତୁ ତବ ଦିନ,
ଜନମ ଦିନର ଅଶେଷ ଅଶେଷ
ହାର୍ଦ୍ଦିକ ଅଭିନନ୍ଦନ ।

-

****"Happpy birthday Mamu"****

ସୁନୀଳ ଆକାଶେ ତାରକାଙ୍କ ପାଶେ
ଔଜଲ୍ୟ ପ୍ରଦାନେ ଜହ୍ନ,
କର୍ମ ତତ୍ପରତା ବ୍ୟସ୍ତ ବହୁଳତା
ବଡ଼ ମାମୁଁଙ୍କ ଜୀବନ ।

କୈଳାସ ପର୍ବତେ ସଂସାର ଆୟତ୍ତେ
ପ୍ରଭୁ ଆଶୁତୋଷ ଛନ୍ତି,
ପରିବାର ଭାରେ ଆଶୁତୋଷ ମାମୁଁ
ସଦା ବ୍ୟସ୍ତ ରହି ଥାନ୍ତି l


ସୁଶାନ୍ତ ବଚନ ସୁଧୀର ଚଳନ
ତୋଷି ନିଏ ପ୍ରାଣୀ ମନ,
କର୍ମକୁ ଇଶ୍ବର ଭାବିଣ ସ୍ବକର୍ମେ
ଘାରି ହ୍ବନ୍ତି ରାତି ଦିନ ।

ସେହି ମାମୁଁଙ୍କର ଆଜ ଧରାପୃଷ୍ଠେ
ହୋଇ ଥିଲା ଆବିର୍ଭାବ,
ଜ୍ଞାନୀ,ଗୁଣୀ,ମାନୀ ସାଥୀରେ ତାଙ୍କର
ଅତ୍ୟନ୍ତ ଧୀର ସ୍ବଭାବ ।

ଶ୍ରେଷ୍ଠ ଅଧିକାରୀ ମାମୁଁ ହେଇ ଯାନ୍ତୁ
ପ୍ରଭୁ ପାଶେ ନିବେଦନ,
ଜନମ ଦିନର ଭକ୍ତିପୁତ ଭରା
ହାର୍ଦ୍ଦିକ ଅଭିନନ୍ଦନ ।

ପ୍ରଭୁ ଆଶୁତୋଷ ହୁଅନ୍ତୁ ସନ୍ତୋଷ
ମାମୁଁଙ୍କ କର୍ମ ଜୀବନେ,
ସୁସ୍ଥ ଓ ନିରୋଗେ ମାମୁଁ ପହଁଞ୍ଚନ୍ତୁ
ଏକ ଶତ ଜନ୍ମଦିନେ l
🙏🙏

-

ଯୋଗ୍ୟତାର ବଳେ ଉଚ୍ଚ ବିଦ୍ୟାଳୟେ
ଲଭି ଶିକ୍ଷକ ସମ୍ମାନ,
ଅତି ରୋମାଞ୍ଚକ ଶିକ୍ଷଣ ପ୍ରଣାଳୀ
କିଣି ନିଏ ଛାତ୍ର ମନ ।

ଇଂରାଜୀ ଭାଷାରେ ଦଖଲ ତୁମର
ସାହିତ୍ୟେ ଜ୍ଞାନ ପ୍ରବଳ,
ତୁମ ଅଧ୍ୟାପନେ ମୂର୍ଖ ହୁଏ ଜ୍ଞାନୀ
ପଢାଉ ଅଛ ଭୂଗୋଳ ।

କବି କଳାକାର ସବୁ ଦିନ ତା'ର
ହୋଇ ଥାଏ ଜନ୍ମଦିନ,
ରାଜା ଦରବାରେ ନୃପତି ହସ୍ତରେ
କବି ଲଭେ ସନମାନ ।

ହୃଦୟର ଭାଷା କବିତା ରୂପରେ
ପାରୁଛ କରି ସମ୍ଭବ,
ଶିକ୍ଷକ ଓ କବି ସମ ଜନେ ଲଭି
ଆଜ ମୁଁ କରଇ ଗର୍ବ l

ଭଗବାନେ ପାଶେ ମାତ୍ର ମୋ ବିନତି
ସର୍ବଦା ରୁହ ପ୍ରସନ୍ନ,
ଜନମ ଦିନର ସ୍ନେହ ଶ୍ରଦ୍ଧା ଭରା
ହାର୍ଦ୍ଦିକ ଅଭିନନ୍ଦନ l

-

ପ୍ରକୃତି କୋଳରେ ପ୍ରଜାପତି ବ୍ରହ୍ମା
କରିଲେ ସୃଷ୍ଟି ସମ୍ଭବ,
ବିଦ୍ୟା, ବୁଦ୍ଧି, ଦୟା, କ୍ଷମା ସର୍ବ ଗୁଣେ
ହେଲ ତୁମେ ଆବିର୍ଭାବ l

ବାସ ଚହଟିଲା ଗୁଣ ବିକଶିଲା
ଲଭି ପ୍ରଭୁ ଦିବ୍ୟ ଜ୍ଞାନ,
ପ୍ରଫୁଲ୍ଲିତ ମନେ ତଵ ମାତା ପିତା
ରଖିଲେ ନାମ ଚନ୍ଦନ ।

ଧର୍ମର ପ୍ରଚାର ପ୍ରସାର ନିମିତ୍ତ
ସମ୍ଭଵତଃ ଜନ୍ମ ତଵ,
ସ୍ଵାର୍ଥୀ ସମାଜରେ ନିଃସ୍ବାର୍ଥୀ ଭାଵରେ
ବିତରେ ତୁମ ପ୍ରଭାବ ।

ଓଷ୍ଠେ ମଧୁବାଣୀ ହୃଦେ ପ୍ରେମ ପୁଣି
ଭରିଛ ସଭିଙ୍କ ପାଇଁ,
ସର୍ବ ଜନ ହୃଦେ ଆପଣାର ଭାବେ
ଅଛ ଆଜି ଉଭା ହୋଇ ।

ଜଗନ୍ନାଥ ପ୍ରେମୀ ଜଗନ୍ନାଥ ପ୍ରେମେ
ଭକ୍ତି ଭାବ ଯାଏ ବୋହି,
ତାଙ୍କ ଆଶୀର୍ବାଦେ ତୁମ ସୁକର୍ମ ରେ
ଶିକ୍ଷକ ଯାଇଛ ହୋଇ ।

-

****"ଅବରୋଧ-୧୧୯"****

ଗୁରୁ ଘର ପାଠ କିଏ ବା ଜାଣିଛି
ଜାଣନ୍ତି ଏକା ଗୋବିନ୍ଦ,
ଅବା କି କାରଣେ ଆମରି ଜୀବନେ
ରଚା ହୁଏ ଅବରୋଧ l

-

ନିହାତି ଗରୀବ ମୁହିଁ ଦୀନ,ହୀନ
ଦେବି କିସ ଉପହାର,
ସମୟ ଆସିଲେ ଜୀବନ ଉତ୍ସର୍ଗୀ
(ତବ)ବିଘ୍ନ କରି ଦେବି ଦୂର ।...............(୫)

ତଵ ବୁଦ୍ଧି ବଳେ ଜ୍ଞାନ ପାରାବରେ
ସାଜି ସଫଳ ନାଉରୀ,
ଶିକ୍ଷା ସମାଜରେ ଶିକ୍ଷକ ସାଜିଛ
ଜ୍ଞାନଲୋକ ବାଣ୍ଟି କରି l.................... (୬)

ଆଦର୍ଶ ବିଦ୍ୟାଳୟେ ଆଦର୍ଶ ଶିକ୍ଷକ
ଶୁଭେ ଜୟ ଜୟକାର,
ଛାତ୍ର ଛାତ୍ରୀଙ୍କର ହୃଦୟ ଗହ୍ଵରେ
ରାଜ୍ ଯେ ଆପଣଙ୍କର ।..................... (୭)

ସର୍ବ ଗୁରୁଜନ ଦେବଙ୍କ ଆଶିଷେ
ବଞ୍ଚି ରୁହ ଦୀର୍ଘ ଦିନ,
ଜନମ ଦିନର ଅଶେଷ ଅଶେଷ
ହାର୍ଦ୍ଦିକ ଅଭିନନ୍ଦନ ।.................(୮)

-

ଭାତ ବଦଳରେ ମିଳୁ ଥିଲା ନିନ୍ଦା,
ପ୍ରତି କ୍ଷଣେ ସହୁ ଥିଲି ନାନା ବାଧା l

ବୁଝି ନପାରଇ କିଏ ଆପଣାର,
କାହାକୁ କହିବି ପୁଣି ମୁଁ ଯେ ପର l

ସ୍ୱାର୍ଥ ପାଇଁ ବାୟା ଏ ସାରା ଦୁନିଆଁ,
ସବୁ ଏଠି ମିଛ ସତ ଖାଲି ମାୟା l

ସବୁ ବୁଝି ଜାଣି ମୁଁ ନେଲି ନିଷ୍ପତ୍ତି,
ଅଦରକାରୀ ମୋ ପାଇଁ ଏ ରୀତି ନୀତି l

ଦୁଃଖ ବେଳେ ଦୁଃଖ ଯଦି ଭୋଗିଲି ଏକା,
ଅଲୋଡ଼ା ମୋ ପାଇଁ ଏବେ କୋଉ ସଖା l

କାଗଜ କଲମ ଧରି କବିତା ଲେଖିବି,
ଶେଷ ଜୀବନ କୁ ମୋର ସାରି ଦେବି l

-

ଆଜି ଅପରାହ୍ଣ ଚାରିଟାର ବେଳେ
ବସି ଥିଲି ଚିତ୍ରୋତ୍ପଳା ନଦୀ କୂଳେ l

କୋରୁଆ ରୁ ବାରେଣୀ ସେ ନଦୀ କୂଳ,
ଜଳଧାରା ତାର ଯେ ସ୍ୱଚ୍ଛ ଶୀତଳ l

ପ୍ରାକୃତିକ ପରିବେଶ ମନ ଲୋଭା,
ଭାବିଲି ଦି' ପଦ କବିତା ଲେଖିବା l

ମନକୁ ଆସିଲା ମୋ ଅତୀତ ସ୍ମୃତି,
ନେତ୍ରରେ ଲୋତକ କୁ ହୃଦୟେ ଭୀତି l

କାହାକୁ କିଛି ମୁଁ ନ କହି ତ' ପାରି,
ହୃଦୟ କଷଣ ଯାଏ ହୃଦେ ମରି l

ବଞ୍ଚିବାକୁ କରି ଥିଲି ମୁଁ ସଂଘର୍ଷ,
ସମାଜେ ସହି ଯେ ନାନା ଉପହାସ l

-