आई - मुलगी

आई - मुलीचं नातं
ममतेचं आपुलकीचं
ओढ असते दोघींनाही
प्रेमात वास्तल्याचं

प्रेमाच्या जाणिवेचा
आई अथांग सागर
माया ममतेने तिचा
करूया जागर

मुलगी म्हणजे
ईश्वराची गोड भेट
लावूनी माया जिव्हाळा
कवटाळून हृदयाशी थेट

'आई' एक आठवण
प्रेमाची साठवण
आई एक नाव
जगावेगळा भाव

आई म्हणजे एक गोड नातं
जिवनाचं बहरतं पातं
आई म्हणजे घराचा आधार
आईविना घर भासे निराधार

आई म्हणजे
आनंदाचा सागर
आई म्हणजे
मायेचा पाझर

मुलगी म्हणजे जणू
आनंदाचा निखळ झरा
ममतेचा जिव्हाळ्याच्या
प्रेमात हिरवाईचा मळा

✍ सचिन विश्वास

-