Anjaan raaho me akela ghoom rha hu,
Khud se chhup kr khud ko dhoondh rha hu.

-

Tum samandar paar karne ki baat kar rahe ho,
Hum yahan khud me doobe jaa rhe hai.

-

Ab jab unhe maine kho dia hai,
Unko khone ka darr badh sa gya hai.

-

Na tum galat, na mai galat
Na tera saath galat, na ye takraar galat
Na teri baat galat, na mere jazbaat galat
Bas kuch alfaaz galat aur ye haalaat galat.

-

Ab iss lamhe me bichde toh yaadon me milenge,
Kuch murjhaen phool khitaabon me milenge,
Tere ittila ka intezaar hum abse nahi karenge,
Iss waqt se hum tujhse bas khwaabon me milenge.

-

Jo waqt ke sath dhal gai vo ishq nahi, javani thi.

-

Uss bewafa ko humne kuch aisa saza dia,
Baahon me utha, nazron me gira dia.

-

Ek khwaish thi unke nasheeli nigaho me doob jaane ki,
Gehrai se bekhabar hum apne hi nazron me gir gae.

-

Mere chehre par jo muskaan hai, vo ab mera kafan hai,
Vo saari dard bhari yaadein aaj bhi mere dil me dafan hai.

-

Dil ke andhere me akelepan ka khauf kaisa,
Darr toh ujaalon se hai
Kahin koi chehra na dikh jae unke jaisa.

-