Haarne ka darr bhi hoga.. aur haarkar fir chalna bhi hoga..
Kuch pal apne aap ke saat rehkar.. apne aap se milna bhi hoga..
Jeet ki khwaaish rakhte... jiddi rehna hoga..
Kahi pahuchna hai.. tho kabhi kabhi akele chalna hoga..

Aksar seediya nahi dikhai degi.. tho bharosa kar.. ek kadam tho chal..
Jaha raasta toota foota ho.. apna hausla banaakar ek kadam tho chal..
Wo kaash ki zindagi.. aur kaun kaun si majboori.. iska bojj na bann..
Apne kahani ke hero ka kirdaar nibhate.. apne aap ki sunkar.. ek kadam tho chal..

-

Kuch sapne bhi dikhayi wo.. kuch lamhe ko kitna khaas bana gayi wo..
Door rehkar bhi saathi kaha se bana gayi wo..
Aaj jab sab samaitne ka waqt aaya.. tho mayoos tho nahi hu..
Tujhe kaise samjau Muskurana sikha gayi wo..

Shaayad saat itna hi likha tha.. ek girte ka sahara hi banana tha usse..
Kahani adhoori hi sahi.. bas muskaan aur umeed se hi bharna tha usse..
Mulaakat ka kya.. pata nahi.. kab firse milna ho jaaye..
Jaane tak de diya.. apna hoga tho laut aayega.. yahi sochkar khush hu shaayad..

-

Yeh waqt fir aazmane aaya hai.. firse kuch patience ka test lene aaya hai...
Kuch raasto par le bhi chalta hai.. tho kahi kuch naya dikhane aaya hai...
Khauf dikhaakar.. thoda darane aaya hai..
Usko thodi pata hai.. humne wo lamhe se guzarkar.. yaha tak raasta khud banaya hai..

Wo climax ka twist saat rakhkar.. apna role samjhane aaya hai..
Sahi galat.. right wrong se upar.. apni pehchaan karane aaya haii..
Wo bhala tera kya hi bigaad paaya hai..
Samay samay naye direction ke saat.. nayi urja hamesha laaya hai..

-

Kuch choote rishte aaj bhi yaad hai..
Kuch baatein unki aaj bhi yaad hai..
Aaj bhi kahi yahi soch liya.. khush tho hai..
Kisse tho rahe.. bas teri khushi se badhkar kya baat hai..

Kahi hum alvida kehkar nikal gaye..
Kabhi hum rote huye apni galti kabool kar gaye..
Dosti bhi dil ke taaro se judi hoti hai..
Contact naye bane.. purane na jaane kaha chale gaye..

Kuch ke msg na aaye.. par aaj bhi muskura leta hai..
Dost na rahe? Challo yeh baat bhi maan leta hu..
Yeh msg tum tak pahuchega zaroor..
Dosti tumhari.. aaj bhi yaad kar leta hu..

-

Uska hona hi aadhi pareshaaniya mita sakta hai..
Uska hona hi bekhauf jeeena sikha sakta hai..
Hota tho wo aksar blind hi hai..
Uska hona hi... zindagi aasaan bana sakta hai..

Usko katghare me khada rakh.. sawaal jawab nahi kiya jaa sakta..
Wo aazaadi ka bhooka hai.. kissi bandhan me nahi jud sakta..
Baat hi nek hai uski..
Aazmata bhi hai.. aur jaha na ho.. waha bawaal machane ki shamta rakhta hai..

-

Tu khulke apni baat rakhkar tho dekh..
wo samaj bhi jaayega..
Tu apne dil ki baat kehkar tho dekh..
wo tere saat jung bhi ladne aayega..
Na filters ki zaroorat hai..
aur na melo drama ki jagah dena..
Tu usko apna samajkar tho dekh..
wo teri khushi me har baar haarkar bhi muskurayega...

Waadon ka kya hai..
khushi me tho sahi galat ka kaha dyaan rehta hai...
Kabhi kabhi..
mushkil dino me akele hi chalna hota hai..
Kabhi baitkar ek pal uski baatein..
hazaaro galatfaimiya mita dengi..
Tu haat thamke tho dekh..
wo zindagi ke ghumo me haat tham legi...

-

Challo aaj kissike chehra par muskaan chod dete hai..
Jo dil ke paas hai.. par dur sa hai.. usko ek message likh bhejte hai..
Teri tareef aur teri khushi me kya likhu..
Challo aaj kissiko ko milne ki fir fariyaad karte hai!!

Kuch baatein yaad kar aaj challo usko call karte hai..
Kuch apni baatein aur kuch uski kahaani sunn lete hai..
Challo aaj fir.. kissi trip ka plan kissi tapri par karte hai..
Uske dur hone par bhi.. challo aaj unko yaad karke unhe kuch khaas feel karate hai..

-

Aaj shaayad manzil ka raasta na dikhe.. ek kadam tho liya jaa sakta hai...

Aaj shaayad dimaag me vichaar bahut hai.. ek pal muskura kar bitaya jaa sakta hai..

Aage ki kahaani ko.. khatam karne ki itni hadd badi kyun karta rehta hai..

Jab jeevan bhi kissi aur ne diya.. aur maut ka bhi pata nahi.. fir kyun.. itna ghum liye ghumta rehta hai..

-

Choti si iss zindagi me.. kya leke jaaoge..
Naam bada na sahi.. kissi ke liye yaadein chod jaaoge...
Kahe itna sochkar pareshaan rehte ho..
Jaate waqt kissiko khushi tho kissiko aasu de jaaoge..

Tho jee lo ek baar.. apne aap ko khudke liye khada kar..
Dusro se pehle.. aaj thoda matlabi banke..
apne aap par gaur kar..
Khudko badalne ki galti kabhi na karna..
wahi tho tera astitva rahega...
Wahi saat rahega.. jo teri galtiyo ko chupakar..
tujhe bina matlab se pyaar karega..

-

Fir kabhi kissi insaan ko itna haq na dena ki wo tumhe bikhara chod de..
Fir kabhi kissi insaan ko inta kareeb na rakhna ki uski kami aankhe bhar de..
Humse thoda dur hi rehna janaab.. hum thode pagal hi theek hai..
Khudko apne jaisa kabhi na samaj baitna.. humne rote rote bhi haske bole hum theek hai..

Iss baar dil se nahi.. dimaag lagakar jeekar dekh lete hai!!
Bhagwan ke bharose nahi.. apne tareekhe se hi jee lete hai!!
Haat kaun kab pakadta hai... aur kaunse din chod jaata hai.. yeh waqt ki kahani hai..
Thode nasamaj hi sahi.. haste muskurate yahi apni kahani hai..

-