ओंजळीतुन दोन थेंब,
सहज गळून जावे,
हवे त्याला,हवे त्यास,
सहज मिळून जावे,

अवचित असे लाभलेले,
सुख शुभ व्हावे,
जिथून घेतले तिथले थोडे,
देणे देऊन जावे...

-

निसटून गेले क्षण
मग क्षणांची वजाबाकी होत गेली..
पण सोबतच आठवणींची
बेरीज मात्र वाढत गेली..
निसटून गेलेल्या क्षणांच्या
भागाकारात बाकी शून्य आली..
आणि आठवणींच्या गुणाकारात
दुपटीने वाढ होत गेली!

-

क्षितिजापार ही असतं
एक गाव वसलेलं....
तिथे फक्त आठवणीच
एक जग वसलेलं....

-

When you take your "HOBBIES" for granted,
you take your "HAPPINESS" for granted.

-

तुझ्याशी ओळख नाहीये,
पण तुझं लिखाण अगदीच ओळखीचं वाटतं मला,
या पावसासारखं!

-

तुझी आठवण......

डोहाच्या काठावर हसते तुझी आठवण,
खडा मारते, हळूच लपते तुझी आठवण..
तरंग उठतो तवंग फुटतो,डचमळतो तळ,
तनभर लाटा लाटा शिपते तुझी आठवण..
खळाळतोे उसळतो अचानक कुंभ मनाचा,
काठामध्ये साठा जपते तुझी आठवण..

मी जर उसना आव आणला विसरायाचा
नयनी माझ्या चोरी टिपते तुझी आठवण..
ती येते,ती जाते दिवस नि रात विरहिणी
मी गाते जरी उरात रुपते तुझी आठवण..
तुझी आठवण,तुझी आठवण! अष्टौप्रहरी
जपमाळा ओढत मी जपते तुझी आठवण...

-

अवघ्या देहाची कशी जाहली पंढरी
आत्मा माझा तुच विठ्ठल-रखुमाई

-

स्पंदनाच्या लयीचे गाणे अखंड आणि अपरिमित..
स्वरास्वरांतून उमलत जाते चेहऱ्यावरती मोहक स्मित..
भावनांना अर्थ देते चराचरातील हे संगीत..
जीवनाच्या मैफिलीतही सुखदुःखाचे सुरेल गीत..

-

अशा ह्या कातरवेळी
तुझ्या आठवांच्या सरी
बेधुंद कोसळू लागतात...

बरसतात अशा काही अकस्मात
की मन मेघ मेघ होतात...

-

वो कंचे, वो कश्तियाँ, वो गिल्ली, वो दौड़
न जाने कहाँ खो गये ..
जमाना कुछ इस कदर बदल गया,
की बच्चे मैदान से दूर हो गये..

-