ಒಲವಿನೋತ್ಸವದಲ್ಲಿ
ನಿನ್ನನ್ನು ನೀ
ಅನಾವರಣಗೊಳಿಸುವುದಿದೆಯಲ್ಲಾ;
ಅದೇ ನೋಡು
ಹಾಡು ಹಗಲೇ
ನನ್ನ ದೋಚುವುದು..!

-

ಇಲ್ಲಿ
ಹರಡಿರುವ
ನನ್ನ
ಹುಸಿ ನಸಿಬಿನೊಂದಿಗೆ;
ಅವಳ ನಗುವೊಂದು
ಅಂಟಿಕೊಂಡಿದೆ...!

-

ಪ್ರೇಮವೆಂಬುವುದು ಯಾವಾಗಲು
ಒಂದೆ ಕಡೆಯಿಂದ
ಶುರುವಾಗುತ್ತದೆ ಅಂತೆ;
ಅದೇ ಎರಡು ಕಡೆಯಿಂದ ಆಗುವುದನ್ನೆ
ಹಣೆ ಬರಹ ಎನ್ನುತ್ತಾರೆ ಗಾಲಿಬ್..!

-

ಲೇ ಇವಳೇ
ಭಾವನೆಗಳ
ಸಂತೆ ಮುಗಿದು ಹೋಗುವ ಮುನ್ನ
ಬಂದು ಬಿಡು;
ಆ ಖಾಲಿ ಎದೆಯ
ಒಂಟಿ ದಾರಿ
ತರವಲ್ಲ ನಿನಗೆ...!

-

ಅದೇಷ್ಟು
ಕಡು ಕೋಪ
ಗೆಳತಿ;
ಎದುರುಗಿದ್ದರು
ಏಣಿ ಹಾಕಿ ಕಾಣುವಷ್ಟು...!

-

ಕೆಲವೊಂದು ಸಾಮೀಪ್ಯತೆಗಳು
ಕೂಡುವ ನೋವುಗಳಿಗಿಂತಲೂ;
ಆ ಸಾವು ಕೂಡ
ಸುಂದರ ಎನಿಸುತ್ತದೆ..!

-

ಆಕಾಶದ ಅರಿವಿಗೂ
ಬಾರದ
ಪ್ರೇಮವೊಂದು ಘಟಿಸಿತ್ತಲ್ಲ ಹುಡುಗಿ;
ಅದಕ್ಕೀಗ
ಹದಿ ಹರೆಯ ನೋಡು..!

-

ನಿನ್ನೆ ಮೊನ್ನೆ ವರೆಗೆ
ನಾ
ನಿನ್ನೊಳಗೆ ಇದ್ದೆ,
ಆದರೆ
ಇವತ್ತಿಲ್ಲ;


ಇದೆ ಅಲ್ಲವೇ ಬದುಕು..!

-

ಯಾವುದಕ್ಕೂ
ಒಂಚೂರು
ಕೀರುನೋಟವಿಡು,
ನಿನ್ನೋಲವ ಹಂಗಿಲ್ಲದೇ
ಹಗಲೇ
ಅನಾಥ ಶವವಾಗಲಾರೇ..

-

ಇಲ್ಲಿ
ಪ್ರತಿ ಹಂತದಲ್ಲಿ
ನನ್ನಲ್ಲೆ ನಾನು ಸವೆಯುತ್ತಿದೆನೇ
ನೋಡು ಗಾಲಿಬ್...
ಯಾವುದೋ ಘಳಿಗೆಯಲ್ಲಿ
ಮತ್ತದೆ ಅವರಸದಲ್ಲಿ
ಸಮಾಗಮವಾಗುವುವೆನೋ
ಅವಳಲ್ಲಿ...!

-