ಮುಡಿಗೇರಿದ ಹೂವು ನೀನು ನನ್ನೀ ಹಣೆಯ ಸಿಂದೂರವು ನೀನು.. ನಗೆಯಲ್ಲಿನ ಸಂಭ್ರಮವು ನೀನು ಮನದಾಳದ ಒಲವು ನೀನು.. ಕಿವಿಯಲ್ಲಿ ಪಿಸುಗುಡುವ ದ್ವನಿಯು ನೀನು ಕಣ್ಮನ ಸೆಳೆಯುವ ಬೆಳದಿಂಗಳು ನೀನು.. ಕಿರುನೊಟದ ಚೆನ್ನಿಗ ನೀನು ಮನಸೂರೆಗೊಳ್ಳಿಸುವ ಜಾದೂಗಾರ ನೀನು.. ನನ್ನೆದೆ ಬಡಿತದ ಸಾರವು ನೀನು ನನ್ನಯ ಜೀವನದ ಹೆಸರೇ ನೀನು..
ಮರಳಿ ಬರುವುದಿಲ್ಲವೆಂಬ ಅರಿವಿದೆ,,,,, ಆದರು ಕಳೆದ ಆ ಸಮಯವು ಎಷ್ಟೋಂದು ಸುಂದರ,,, ಹಾಗೆಂದು ಕಳೆದ ಆ ಕ್ಷಣಗಳನ್ನೆ ಮೆಲುಕು ಹಾಕುತ್ತಿದೆ ನನ್ನ ಈ ಮನ,,,,, ಕಾಲ ಎಷ್ಟೋಂದು ಸುಂದರ ಹಾಗೂ ಅಮೂಲ್ಯವಾದದ್ದೂ ಅಲ್ಲವೇ,,, ಒಮ್ಮೆ ಕಳೆದರೆ ಮತ್ತೆಂದು ಹಿಂದಿರುಗಿ ಬಾರದು,,,,,
ಕಾಮುಕರಿಂದ ತನ್ನನ್ನು ತಾನು ಕಾಪಾಡಿಕೊಳ್ಳಲು, ಪ್ರತಿಕ್ಷಣ ಅವಳು ಕಷ್ಟಪಡುತ್ತಿದ್ದಾಳೆ ಕಳ್ಳ ನೋಟಗಳು ನೇರವಾಗಿ ಖಂಡಿಸಲಾದೆ ಒಳಗೊಳಗೆ ಕೊರಗುತ್ತಿದಾಳೆ ಕಾಮದ ಕಣ್ಣುಗಳಿಗೆ ಖಾರದಪುಡಿ ಎರೆಚಲು ಕಾಯುತ್ತಿದ್ದಾಳೆ.. ಕಳ್ಳ ನೋಟಗಳ ಕರಾಳ ನೆನಪುಗಳು ಕನಸಾಗಿ ಅವಳನ್ನು ಕಾಡುತ್ತಿವೆ ನಿದ್ರೆಯಲ್ಲಿಯೂ ಹೆದರಿ ಅವಳು ಬೆವರುತ್ತಿದ್ದಾಳೆ "ತನಗೆ ರಕ್ಷಣೆ ಎಲ್ಲಿದೆ? " ಎಂದು ಕನವರಿಸುತ್ತಿದ್ದಾಳೆ..
ಜೀವನದಲ್ಲಿ ಸದಾ ಸಂತೋಷವಾಗಿರಬೇಕು ಅಂದರೆ ಭಾವನೆಗಳ ಕೈಗೆ ಬದುಕನ್ನ,ನೆನಪುಗಳ ಕೈಗೆ ಮನಸ್ಸನ್ನ, ಆಸೆಗಳ ಕೈಗೆ ಬುದ್ಧಿಯನ್ನ,ಮತ್ತೆ ಈ ಜನರ ಮಾತಿಗೆ ಕಿವಿನ ಯಾವತ್ತಿಗೂ ಕೊಡದೆ ಇದ್ದರೆ ಸಾಕು...!