જે વ્યક્તિ પોતાનામાં આવેલ બદલાવને સ્વીકારી નથી શકતી તે વ્યક્તિ તમારા અલગાવને તરત જ સ્વીકારી લેશે.

-

માણસ જોતજોતામાં ધુમાડો થઈ ગયો !
હવામાં ઊડીને પળવારમાં પૂર્વજ થઈ ગયો !
આંખે સીંચેલા સપનાઓનો,
આંખ સામે જ કૂચો થઈ ગયો !
કેવી ગોઝારી ઘટના જેમાં લાશોનો થર થઈ ગયો .
મૃત્યુનું તાંડવ નજર સામે નિહાળી પળભરમાં એ ખાખ થઈ ગયો .
હવામાં ઉડેલો એ હવામાં જ રાખ થઈ ગયો.

-

વરસાદ, મને ગમતો વરસાદ
રીમઝીમ હોય કે મુશળધાર
સૌ રૂપમાં એ મને સ્પર્શતો
વરસાદ, મને સૌથી વધુ ગમતો.... રેશમ

-

અન્યનો સુધાર ભલે આપણે ના કરી શકીએ, પરંતુ
આપણો ઉદ્ધાર તો આપણે જ કરી શકીએ.

-

Meaningless હાજરી કરતાં
Meaningful ગેરહાજરી વધું સારી.

-

બધાને મારી જરૂર છે
ફક્ત
તેમની નાની મોટી જરૂરિયાતોને પૂર્ણ કરવા માટે.

-

ઈચ્છાઓનું આકાશ હવે આંબવું નથી ,
ટહુકે જે અન્યની ડાળે, એવું પારેવું પાળવું નથી

સપનાઓનું તોરણ સૂની આંખે હવે બાંધવું નથી ,
સાચું કહે "રેશમ" તો
બચ્યું છે જે, એને હવે બાળવું નથી.

-

જિંદગીમાં એક તબક્કે આવીને થાક્યા હોઈએ, પાક્યા હોઈએ ત્યારે આપણે કોઈને આપણો થાક બતાવી ના શકીએ એ સૌથી મોટી struggle છે... જાત સાથે... જિંદગી સામે....

-

પોતાના દીકરાઓની જિંદગી આસન બનાવવા માટે પોતાના ભાઈનાં દીકરા દીકરીઓનો ભાગ ખાનાર એક વખત વિચારજો કે તમે જે લોકોની બદદુઆ લો છો તે ખાલી નથી જવાની. ભોગવવાનું અહીં જ છે.
આ જ દુનિયાની સામે...

-

કોઈનો "ભાગ" મારીને ક્યાં ભોગવશો?
આ ધરતી ને આકાશ બધું એની જ બનાવટ છે.

કશું સાથે લાવ્યા નથી, કશું સાથે લઈ જવાના નથી
ખાલી હાથે આવવા જવાની પ્રથા એની જ બનાવટ છે.

સઘળા પ્રયત્નો કરી જોયા, શાનમાં સમજાવી જોયા
અંતે યુદ્ધ જ એક વિકલ્પની રચના એની જ બનાવટ છે.

અડધું નહીં તો પાંચ ગામ, પણ આપો તો ખરા !
અપાવી દીધું પૂરેપૂરું સામ્રાજ્ય એ કર્મનો કારોબાર એની જ બનાવટ છે.

"રેશમ", હજી પણ સમય છે જો સમજી જાવ શાનમાં તો ,
અંતે ભીષ્મની વૃદ્ધ લાચાર નજરો સામે એના કુળનો વિનાશ જ છે.

-