ಕ್ಷಮಯಾಧರಿತ್ರಿ
ಹೇ ಕ್ಷಮಯಾಧರಿತ್ರಿ ನಾರಿ
ಸಾರು ನೀ ಜಗಕ್ಕೆ ಬಾರಿ, ಬಾರಿ
ನೀ ನಿಲ್ಲದಿದ್ದರೆ ಈ ಸೃಷ್ಟಿಯೇ ಶೂನ್ಯ
ನಿನ್ನ ಸಹನಾ ಶಕ್ತಿಯೇ ಅನನ್ಯ.
ವಿಶಿಷ್ಟ ಶಕ್ತಿಗಳ ಸಂಕೇತ ನೀನು
ಪ್ರೇಮ-ತ್ಯಾಗದ ಪ್ರತೀಕ ನೀನು
ನಿನ್ನಿಂದಲೇ ಸಂಬಂಧಗಳಿಗೆ ಬೆಲೆ
ನಿನ್ನಿಂದಲೇ ಸಂಸಾರಕ್ಕೆ ನೆಲೆ.
ಮಮತೆಯ ಒಡಲು ನೀನು
ಕರುಣೆಯ ಕಡಲು ನೀನು
ನೀನು ನಿಭಾಯಿಸುವ ಪಾತ್ರಗಳು ಹಲವು
ಪ್ರತಿಯೊಂದು ಪಾತ್ರದಲ್ಲಡಗಿದೆ ಒಲವು.
ತವರಿನ ಸಾಮ್ರಾಜ್ಯದಲ್ಲಿ ಮೆರೆಯುವವಳು ನೀನು
ತನ್ನವರಿಗಾಗಿ ತನ್ನನ್ನೇ ಮರೆಯುವವಳು ನೀನು
ಎಲ್ಲ ಕ್ಷೇತ್ರಗಳಲ್ಲೂ ನಿನ್ನದೇ ಪ್ರಾಬಲ್ಯ
ನಿನ್ನ ಅರಿಯದವರ ಜೀವನವೇ ವೈಫಲ್ಯ.
ಹೆಣ್ಣು, ಹೆಣ್ಣೆಂದು ನಿಂದಿಸದಿರಿ
ಹೆಣ್ಣಿನ ಮನೋಬಲ ಕುಗ್ಗಿಸದಿರಿ
ಹೆಣ್ಣು ಸೃಷ್ಟಿಕರ್ತನ ಅಮೂಲ್ಯ ವರದಾನ
ಪದಪುಂಜ ಸಾಲದು ಮಾಡಲಿಕ್ಕೆ ಅವಳ ಗುಣಗಾನ.
-