प्रकृति
परिवर्तनशील है

-

ઓ પ્યારા બાપુ

સત્ય, અહિંસાનો મારગ અપનાવી
દેશ કાજે લડ્યા ઓ પ્યારા બાપુ

સ્વચ્છતાનો મંત્ર દેશવાસીઓને આપી
સૂતેલાં દેશને ફરી જગાડ્યો ઓ પ્યારા બાપુ

ઝંઝીરો ગુલામીની તોડવા કાજે
કર્યા કેટલાં સત્યાગ્રહો તે ઓ પ્યારા બાપુ

થાય ફરી લડાઈ રામ ને રહીમની વચ્ચે
બચાવવા આ દેશને આવ ઓ પ્યારા બાપુ

નથી આજ અહીં સુરક્ષિત કોઈ નારી
નિર્ભયા જીવ ગુમાવે ઓ પ્યારા બાપુ

દેશ આજેય યાદ કરે ચરખાને ઓ ખાદીધારી
કરવા" સત્યના પ્રયોગો" ફરીથી અવતાર ધરો ઓ પ્યારા બાપુ
દેશને કાજે આવો ઓ પ્યારા બાપુ.......
- ડૉ .રેખા શાહ

-

ગુણલાં મારી ગુર્જરનાં શું ગાઉં હું મારા મુખેથી
ધન્ય મારી ધરા ગુજરાત ને ધન્ય એની સંસ્કૃતિ
કરતાં વખાણ નવ હું થાકું ને ફૂલે ગજ- ગજ મારી છાતી
છે ગૌરવ મને કે, હું છું એક ગુર્જરવાસી ગુજરાતી...હા ગુજરાતી

વિધ-વિધ બોલીને ભાતીગળ રિવાજો છે અહીંના
તોય મહેકે માનવતા અહીં સૌના હૃદયમાં
દાન સદાવ્રતનો જોટો ન જડે ગુજરાતીનો દુનિયાભરમાં
છે ગૌરવ મને કે, હું છું એક ગુર્જરવાસી ગુજરાતી...હા ગુજરાતી

નવલાં નોરતાંની બોલાય રમઝટ નવરાત્રિમાં
દેશી વેશ ને દેશી છટા વણાયેલા છે સંસ્કારમાં
લોકડાયરા, ભજનો,દુહાઓ ને નરસિંહનાં પ્રભાતિયાં
છે ગૌરવ મને કે,હું છું એક ગુર્જરવાસી ગુજરાતી...હા ગુજરાતી

સાહિત્યનો અમરવારસો સચવાયેલો છે હસ્તપ્રતોમાં
સોનાની દ્વારિકાવાળો મોક્ષ પામ્યો આ ગુર્જર ધરામાં
શૂરવીરોની રણગાથા સમાઈ છે પવિત્ર પાળિયાઓમાં
છે ગૌરવ મને કે, હું છું એક ગુર્જરવાસી ગુજરાતી...હા ગુજરાતી

મા ને માતૃભાષા બેય અહીં દિલથી પૂજાય છે
'જનનીની જોડ સખી નહીં જડે રે'...એમ ગવાય છે
'જ્યાં-જ્યાં વસે ગુજરાતી ત્યાં સદાકાળ ગુજરાત' ..એમ કહેવાય છે
છે ગૌરવ મને કે, હું છું એક ગુર્જરવાસી ગુજરાતી...હા ગુજરાતી

-- ડૉ. રેખા શાહ

-

રમલ છંદ
તરહી ગઝલ
ગાલગાગા ગાલગાગા ગાલગા

એ દુઆ "મા"ની અસર કરતી હશે
આભથી જ્યાં મા નજર કરતી હશે

ભૂખની પોતે તડપ વેઠી હશે
બાળકો માટે સબર કરતી હશે

પ્રેમથી માથે હથેળી ફેરવે
મા છે બાળકની ફિકર કરતી હશે

ભાળ બાળકની ઘડીભર ના મળે
એકઠું જોને નગર કરતી હશે

ઈશ તારી પણ કમી પૂરી કરે
સ્નેહથી મા તરબતર કરતી હશે

વ્યાધિ આવે કોઇ પણ સંતાન પર
પ્રાણ રેડી મા અમર કરતી હશે

-- ડૉ. રેખા શાહ

-

Everyday
different shapes

-

तुम्हारी अदाएं

-

My childhood friends

-

જેમ હોડી તરે છે નદીમાં
એમ હું પણ તરું છું શબ્દોના વમળમાં

પ્રાસ ને અલંકારમાં અટવાઈ જાઉં છું
ને છંદોની ભૂલો કરું છું શબ્દોના વમળમાં

હલેસાં મારું મારી પ્રેમનાવડીને
પણ અટકી પડું છું શબ્દોના વમળમાં

વહેતી જાઉં છું જ્યાં તરંગો લઈ જાય
સ્મરણના દ્વિપે પહોંચું છું શબ્દોના વમળમાં

ઝરણાંમાંથી નદી બને ને નદી સાગરમાં ભળે
એમ જ પિયુને મળું છું શબ્દોના વમળમાં

-- ડૉ. રેખા શાહ

-

Open the Lock down??

-

चहेरा पढ़ लें
तो दिल की बात भी
समझ में आ जाए..

-