ਵੰਡ ਦਿਤੇ ਸਰਹੱਦਾਂ ਨੇ ਜੋ, ਵਾਰਿਸ ਸਾਂਝੀ ਧਰਤ ਦੇ ਸਾਰੇ ਨੇ
ਝੂਠੀ ਅਣਖ ਦਾ ਪਾ ਵਾਸਤਾ ਸਿਆਸਤਦਾਨਾਂ ਲੋਕੀਂ ਮਾਰੇ ਨੇ
ਜੰਗ ਦੇ ਮਸਲੇ ਬਣੇ ਗਏ ਨੇ, ਮਸਲੇ ਕਮਾਈ ਮੋਟੀ ਦੇ
ਭੁੱਖੇ ਢਿੱਡੀਂ ਬਿਲਕਣ ਬੱਚੇ, ਜੁੜੇ ਨਾ ਦੋ ਟੁੱਕਰ ਰੋਟੀ ਦੇ
ਕਿੱਧਰ ਨੂੰ ਤੁਰ ਪਈ ਏ ਦੁਨੀਆ, ਕਿੱਥੇ ਤੱਕ ਪਸਾਰਾ ਏ
ਜਿੱਧਰ ਵੀ ਜੰਗ ਜਾਂਦੀ ਏ, ਪਾਉਂਦੀ ਸਿਰਫ ਖਿਲਾਰਾ ਏ
ਤੋਪਾਂ ਵਾਲੇ ਭੁੱਲ ਜਾਂਦੇ ਨੇ, ਵਾਰ ਰੱਬ ਦੀ ਗੂੰਗੀ ਸੋਟੀ ਦੇ
ਭੁੱਖੇ ਢਿੱਡੀਂ ਬਿਲਕਣ ਬੱਚੇ, ਜੁੜੇ ਨਾ ਦੋ ਟੁੱਕਰ ਰੋਟੀ ਦੇ
ਧਰਮ ਦੇ ਨਾਂ ਤੇ, ਸਰਹੱਦ ਦੇ ਨਾਂ ਤੇ, ਹੱਦੋਂ ਵਧਦੇ ਜਾਂਦੇ ਨੇ
ਰਹਿਮ ਦਿਲ ਉਸ ਰੱਬ ਦੇ ਬੰਦੇ ਰਹਿਮ ਭੋਰਾ ਨਾ ਖਾਂਦੇ ਨੇ
ਗਿਰਝਾਂ ਵਰਗੇ ਕਿੱਥੇ ਛੱਡਦੇ, ਇਹ ਤਾਂ ਭੁੱਖੇ ਹੁੰਦੇ ਬੋਟੀ ਦੇ
ਭੁੱਖੇ ਢਿੱਡੀਂ ਬਿਲਕਣ ਬੱਚੇ, ਜੁੜੇ ਨਾ ਦੋ ਟੁੱਕਰ ਰੋਟੀ ਦੇ
-