ಮೊಗದಲ್ಲಿ ಮಂದಹಾಸವಿರಲು
ಮನದೊಳಗೆ ಅಳು ಅಡರಿಕೊಂಡು
ಆರಿಸಲಾಗದ ನೋವೆಂಬ ಬೆಂಕಿ ಉರಿಯುತ್ತಿರೆ
ಬೆಂದು ಬೂದಿಯಾಗದೇ
ಬೇರೆ ದಾರಿಯುಂಟೆ ಚೆನ್ನಮಲ್ಲಿಕಾರ್ಜುನ ದೇವಾ

-

ಸೂರ್ಯನ ಕಿರಣಗಳು ತಾಕಬಾರದೆಂದು
ಪರದೆಯ ಹಿಂದೆ ಸರಿದೆ
ಸುಳಿವೇ ನೀಡದೆ ನೀ
ಮನದೊಳಗೆ ನುಸುಳಿ ಬಿಟ್ಟೆ ....

-

ಅರಳಿದ ಭಾವನೆಗಳ ಬುತ್ತಿಯ ಬಿಚ್ಚಿಡಲು
ಕಾಲುಂಗುರದ ಬೆರಳು ನಾಚಿಕೆಯಿಂದ
ರಂಗೋಲಿಯಲ್ಲಿ ಓಲೆಯ ಗೀಚುತ್ತಿದೆ
ಅದ ಓದಾಲಾಗದೇ ಇನಿಯ ನಿನಗೆ.....

-

ಬದುಕೆಂಬ ಭಾನ ಬನದಲ್ಲಿ ಪೂರ್ವದಲ್ಲಿ ಹುಟ್ಟಿ
ನಡುವಣ ಮತ್ತೊಬ್ಬರ ನಗುವಿಗೆ ಕಿರಣವಾಗಿ
ಬದುಕ ಭಾನ ಬನದಲ್ಲಿ ಪಶ್ಚಿಮದಲ್ಲಿ ಸಾವಾದರೂ
ಹೊಸ ಭರವಸೆಯ ಕನಸು ಬಿತ್ತುವುದೇ ಭಾನು.....

-

ಮನುಷ್ಯತ್ವವ ನೋಟಿನಲ್ಲೆ ಅಳೆದು
ಬದುಕಿನುದ್ದಕ್ಕೂ ನೋಟಿನ ಹಿಂದೆ ಅಲೆದು
ಸ್ವಾರ್ಥದ ನೋಟಿನಿಂದನೇ ಅಳಿಯುವ
ಜಗದ ಜಂಜಾಟವ ನೋಡಲಾಗದು ಕಾಣಾ
ಚೆನ್ನಾಮಲ್ಲಿಕಾರ್ಜುನ ದೇವಾ............

-

ಕಣ್ಣಾಲಿಗೆ ಕಪ್ಪಿಡಿದು
ಬದುಕು ಅಂಧಕಾರದ
ಅರಮನೆಯ ಅಲಂಕರಿಸುತ್ತಿದೆ

-

ಕತ್ತಲ ಪ್ರಪಂಚದಲ್ಲಿ ಆಪತ್ತಿನ
ಅರಿವಿಲ್ಲದೆ ಅಡಗಿದೆ ಅಂದು...
ಬೆಳಗುವ ಸಾವಿರಾರು ದೀಪಗಳಿದ್ದರೂ
ಕತ್ತಲೆ ತುಂಬಿದೆ ಬದುಕಿನಲ್ಲಿ ಇಂದು...

-

ಝಾನ್ಸಿ

-

ಆಡಂಬರದ ಅರಮನೆಯಲ್ಲಿ
ಅವಿತು ಕುಳಿತೆ
ಭಂಡಾರದ ತುಂಬಾ ಚಿನ್ನವೇ ತುಂಬಿದ್ದರು
ಒಬ್ಬರಲ್ಲೂ ಮೌಲ್ಯವೇ ಇಲ್ಲ
ಖುಷಿ ಮನೆ ತುಂಬಾ ಆವರಿಸಿದರೂ
ಆರದ ಭಯ ಹೊಗೆಯಾಡುತ್ತಿದೆ
ನೆಮ್ಮದಿಯ ಮಳೆಯಲ್ಲಿ ನೆನೆಯುತ್ತಿರುವೆನೆಂಬ
ಊಹೆ ಮನ ತುಂಬಿದೆ

-

ಕಾಯಬೇಡ ನನ್ನ ಮನದಲ್ಲಿ
ಮೂಡಿದ ಕವಿತೆಗಳಿಗೆ
ಅವುಗಳೆಲ್ಲಾ ರೆಕ್ಕೆಗಳಿಲ್ಲದೆ ಹಾರ
ಬಯಸುವ ಹಕ್ಕಿಗಳಂತೆ

-