ಬಹಳ ಜಾಗರೂಕತೆಯಿದ ನಿಭಾಯಿಸಬೇಕು.
ಜಾರಿ ಬಿದ್ದ ಕನ್ನಡಿ ಹಿಡಿದು ಹೋದಂತೆ,
ಹೃದಯವೂ ಹೊಡೆದು ಹೋಗಬಹುದು...!!

-

ದೂರ ತಳ್ಳಿದವರೇ,
ಬರಬೇಕು ಯಾವುದೋ
ಒಂದು ದಾರ ಇಡ್ಕೊಂಡು ನಿನ್ನ ಬಳಿ,
ಹಂಗ ನೀ ಬೆಳಿ...!!

-

ಎಚ್ಚರವಿದ್ದಾಗ ನೆನಪುಗಳು ಕೊಂದರೆ,
ಮಲಗಿದ್ದಾಗ ಕನಸುಗಳು ಕೊಲ್ಲುತ್ತಿವೆ...!!

-

ಕೆಲವೊಂದು ಸಾರಿ ಜವಾಬ್ದಾರಿಯ ವಿಷಯ
ಜೀವನದಲ್ಲಿ ಪಾಷಾಣದಿಂದ ಪಾಯಸ
ದಕ್ಕಿಸಿಕೊಳ್ಳುವುದನ್ನು ಕಲಿಸುತ್ತದೆ...!!

ಜೀವನಕ್ಕಾಗಿ ಜೀವವನ್ನೇ ಪಣಕ್ಕಿಟ್ಟು
ಹೋರಾಡುವುದನ್ನು ಕಲಿಸುತ್ತದೆ...!!

-

ನಮ್ಮ ಅವ್ವ ನಸುಕಿನಲ್ಲಿ ದೇವರ
ಪೂಜೆ ಮಾಡುವಾಗ ಬಾರಿಸಿದ ಘಂಟೆ ಸದ್ದಿಗೆ
ಎಚ್ಚರಾಗದ ನಾನು,
ಕನಸಿನಲ್ಲಿ ನನ್ನವಳ ಆಗಮನವಾದಾಗ
ಕೇಳಿ ಬರುವ ಇಂಪಾದ ಗೆಜ್ಜೆ ನಾದಕ್ಕೆ
ಹುಚ್ಚರಂತೆ ಥಟ್ಟಂತ ಎದ್ದು ಕೂತೆ...!!

-

ಕಳೆದುಕೊಂಡಿರುವೆ ಮನದ ಶಾಂತಿ,
ಕಂಡಾಗಿನಿಂದ ನಿನ್ನ ಕಣ್ಣಲ್ಲಿ ನನ್ನೊಲವ ಕಾಂತಿ...!!

-

ಅವಳ ಮಾತದು
ಇಂಪಾದ ಸಂಗೀತ,
ಸದಾ ಕೇಳುತ್ತಲೇ
ಇರಬೇಕೆಂಬುವುದು
ನನ್ನ ಮನದ ಇಂಗಿತ...!!

-

ಅವಳೆಂದರೆ,
ಕೋಪದಲಿ ಕೆಂಡಸಂಪಿಗೆ,
ಮಮತೆಯಲಿ ದುಂಡು ಮಲ್ಲಿಗೆ...!!

-

ನನ್ನ ನಾಯಕ
••••••••••••••••••••
ನಮಗಾಗಿ ದುಡಿದ ನಾಯಕ,
ನನ್ನ ಪ್ರೀತಿಯ ಜನಕ,
ನಾನೇ ಅವನ ಸೇವಕ...!!

ಬಾಹ್ಯವಾಗಿ ಬೈದವನು,
ಅಂತರಂಗದಲಿ ಅಪಾರ
ಪ್ರೀತಿಯ ಬಚ್ಚಿಟ್ಟನು...!!

ನಮಗಾಗಿ ಶ್ರಮ ಪಟ್ಟ
ಶ್ರೀಮಂತನು,
ಹುಸಿ ನಗುವ ಬೀರುವ
ಸಿರಿವಂತನು...!!

-

ಅವಳೆಂದರೆ
ಬಾಳು ಬೆಳಗುವ ಹಣತೆ,
ನನ್ನ ಪ್ರಾಣ ಸ್ನೇಹಿತೆ...!!

-