கேள்விகளின்
குவியலாய்ப்
பிறக்கிறோம்!
தினமும்
ஒரு பதிலைத்
தருகிறது வாழ்க்கை!!!

-

பசுமை வெளுத்துப்போனால்
கிளைகள் கூட கைவிடும்
இலைகளை!
மனிதன் என்ன விதிவிலக்கா!???

-

சாதிப்பதற்கு
சாகசம் வேண்டாம்!
சாய்வதற்கு ஒரு தோள்
இருந்தால் போதும்!!!

-

பறக்காத
பறவைக்கு
சிறகிருந்தும்
என்ன பயன்!!!

-

பிறைசூடிய தேவதை அவள்!
அவள் குழல் சூடா கல்லறை மலர் நான்!!!

-

யார் தீண்டலில்
இப்படி வியர்த்திருக்கிறாய்
பூவே!!!

-

அவிழக் காத்திருக்கிறேன்
உன்
தீண்டல் மட்டுமே தாமதம்!!

-

எல்லாக் கவலைகளையும் கொஞ்சம் தள்ளிப்போடு!
நிம்மதியாய் நல்ல தூக்கம் போடு!
எல்லாம் சரியாகும்
நாளையோடு!!!

-

கதியறியா எறும்பாய்
நான்!
சருகாய் உம் கரம்!
ஈசனே!!!

-

வாழ்க்கை எனும் கடலில்
நீர் போலத் துன்பங்களும்,
ஆங்காங்கே மணற்திட்டு போல
இன்பங்களும் வந்து போகும்!!!

-