तुझा चेहरा आठवला की,
लेखणी माझी बोलती होते,
तुझ्या क्षणभर आठवणीतून
समोर नवीन चारोळी येते.

-

भेटीचा सहवास तुझा,
भावूक होतो तुझा चेहरा,
शब्दांच्या त्या कोड्यातून,
जाणवतो नवीन गारवा.

-

ती कविता माझी,
तुला मनात भावते,
शब्द ओठांवरती,
नकळत गीत गाते.

-

शब्दाशब्दांची गुंफण,
संगे मनाचं मिलन,
आतुरता एका भेटीची,
क्षणात खुलते जीवन.

-

आठवण तुझी यावी मनी,
मनी खुलतात भाव वनी.
साठवण प्रेमरुपी क्षणी,
क्षणी प्रफुल्लित मनोमनी.

-

सखे शब्दवेडा मी,
शब्दच माझे साथी,
गुंफण आहे काव्याची,
काव्यवेड्या कवी मनाची.

-

भाव तुझ्या मनातले,
सांग कसे जाणू मी,
गूढ तुझ्या अंतरीचे,
सांग कसे उलगडू मी.

-

तिच्याकडे पर्याय होते,
माझ्याकडे उत्तर,
.
.
.
तू

-

पळवाटा तुझ्या,
लपून भेटण्याच्या,
उशीर होतोय,
नवीन बहाण्याच्या.

-

नटखट तिचा शृंगार,
मराठमोळी नार,
भाळी कुंकुम तिलक,
संस्कृतीचा पहेराव.

-