💙❤️സർവ്വവും ഭസ്മീകരിക്കാൻ പ്രാപ്തമാം ത്രിനേത്രന്റെ കോപത്തെ,
നറുപുഞ്ചിരിയാൽ ഏറ്റുവാങ്ങി അനന്തമാം പ്രണയസാഗരത്തിലാറാടിച്ചവൾ...💙❤️
💙❤️ജന്മാന്തരങ്ങളുടെ ബന്ധം സിന്ദൂരച്ചുവപ്പിനാൽ മുദ്രവച്ചു,
തൻ പാതിയോടൊന്നായി
തീവ്രപ്രണയം പൂർത്തീകരിച്ചവൾ...💙❤️
💙❤️രുദ്രന്റെ ശക്തിയാം ഭദ്ര...💙❤️
🔥Ruദ്രBhaദ്ര🔥

-

നീയാം ജീവസ്പന്ദനങ്ങളിൽ
ഉടനീളം ലാസ്യതാളമായി
ഞാനാം സാന്ദ്ര സാന്നിധ്യമുണ്ട്...
ക്രോധ-വിരഹതാപത്തിലും നിൻ -
ത്രിനയനത്തിൻ സമുദ്രാഴങ്ങളിൽ,
നാസികതുമ്പിൻ നീർമുത്തുകളിൽ,
കപോലത്തിൻ നുണക്കുഴിയിടങ്ങളില്‍,
സ്നിഗ്ദ്ധമാം നേർത്ത ചൊടികളിൽ,
രുദ്രാക്ഷമണിയും നീലകണ്ഠത്തിൽ,
വിഭൂതിഗന്ധമുയരും ഇടനെഞ്ചിൽ -
ഇടയ്ക്കിടെയെൻ പവിഴാധരമുദ്ര
തീവ്രമായി തെളിയുന്നതതിനാലാണ്...
💙Ruദ്രBhaദ്ര❤️

-

നിനക്കായി ഞാനണിയും
കരങ്ങളിലെ മൈലാഞ്ചിചോപ്പിനും;
നീയെനിക്ക് ചാർത്തിയ
സീമന്തരേഖയിലെ കുങ്കുമത്തിനും;
അത്യപൂർവ്വ സൗരഭ്യമായിരുന്നു -
നാം ആദ്യമൊന്നായി
ലയിച്ച മാത്രയിൽ പൂത്ത
നാഗലിംഗപുഷ്പത്തിൻ
വശ്യതയോലും തീവ്രഗന്ധം...
💙Ruദ്രBhaദ്ര❤️

-

സന്താനങ്ങൾ തൻ വേർപാട്
എത്രമാത്രം വേദനാജനകമാണെന്ന്,
മാതാവായ നിനക്ക് ഞാൻ
വിവരിച്ചു തരേണ്ടതില്ലല്ലോ ഹേരാ...
മാതൃത്വത്തിൻ അവസാന കണികയും നീക്കി,
എന്നെയൊരു സർപ്പസത്വമായി
രൂപാന്തരപ്പെടുത്തിയപ്പോൾ നിന്റെ
പ്രതികാരേച്ഛ പൂർത്തിയായിരിക്കണം...
നിദ്രാവിഹീനയാമങ്ങളിൽ
പിഞ്ചിളംമേനി മാറോടമർത്തി
താലോലിക്കാനാവാതെ,
ഉന്മാദിനിയായി ആർത്തട്ടഹസിച്ചു
ഭക്ഷിപ്പാനേ എനിക്കാവുന്നുള്ളൂ...
എന്റെ നഷ്ടനൊമ്പരങ്ങളിൽ
നിന്നാവാം ദീനരോദനങ്ങൾ
കർണ്ണാമൃതമായി മാറിയതും,
രുധിരപാനത്താൽ ആത്മാവിൻ
ദാഹം ശമിപ്പിക്കുന്നതും...

-

പ്രണയാഗ്നിയായി ഞാൻ ജ്വലിക്കവേ
തപോതീവ്രതയിൽ ഉരുകി നീ
കാശ്മീരസത്താൽ എന്നിൽ
സർവ്വാംഗധാര നടത്തിയും,
ഗുപ്താർത്ഥ ബ്രഹ്മാണ്ഡ കേന്ദ്രബിന്ദുവാം
കിംശുകമലർശയ്യയിൽ ഹർഷോന്മാദവേള നമ്മളെത്ര മാസ്മരികമന്ത്ര കളങ്ങൾ പൂർത്തീകരിച്ചിരിക്കുന്നു രുദ്രാ...

-

സിന്ദൂരരേഖയിൽ അരുണാഭ ചാർത്തി
എന്നെ നീ നമ്രമുഖിയാക്കുന്നതിനിടെ...
നിൻ മിഴികളിൽ തീവ്രാനുരാഗത്തിൻ
അഗ്നിസ്ഫുലിംഗങ്ങൾ ദർശിച്ച മാത്ര...
പ്രണവ മന്ത്രധ്വനി നാദമായ്
ലയിച്ചു നിന്നിൽ ഞാൻ...
💙Ruദ്രBhaദ്ര❤️

-

പരിദേവനങ്ങൾ
പരിഗണിക്കാറില്ലെങ്കിലും...
നീയില്ലായ്മയിൽ
നീറിടുമീ മനസ്സിൽ...
ഇടംനേടുവാൻ
ഇളക്കാറ്റിൻ ബദ്ധപ്പാടിൽ...
ദേവതാരു പൂമെത്തയിൽ
ദേവീ കാത്തിരിപ്പൂ...
എന്ന നിൻ വരികളിൽ
എന്നെ ഉണർത്തുവാൻ ഉതകും...
ആത്മാർത്ഥതയുണ്ട്
ആദരവുണ്ട്...
തീക്ഷണതയുണ്ട്
തീവ്രതയുണ്ട്...
ലാസ്യഭംഗിയുണ്ട്
ലാളിത്യമുണ്ട്...
💙Ruദ്രBhaദ്ര❤️

-

Single pat of you,
engenders a divine spark in my soul...
By your intense gaze,
I sense mariposas in my kyte...

-

എന്റെ സംവത്സരങ്ങളായുള്ള
കാത്തിരിപ്പിൻ പരിസമാപ്‌തി
നിൻ ആവിർഭാവത്താൽ
വിടർന്നു ഗന്ധമോലും
നാഗലിംഗപുഷ്പങ്ങളുടെ
മാസ്മരിക വലയത്തിൽ
നീയെന്നിലലിഞ്ഞ
മാനസസരോവര തീരത്തായിരുന്നു...

-

ഞാൻ
നിനക്കാരാണെന്ന്
മൗനാക്ഷരങ്ങളാൽ
നീയെനിക്ക്
വ്യക്തമാക്കി തന്നൊരാ
അനുഗ്രഹീതനിമിഷമീ
മൈലാഞ്ചിച്ചുവപ്പിനാൽ
പ്രണയുതുരയായി
രേഖപ്പെടുത്തിടട്ടെയെൻ
ഉള്ളംകൈയിൽ...

-