।।ਮੈਂ ਜਾ ਕੇ ਰੱਬ ਨੂੰ ਮਨਾਉਣੀ ਆ।।
ਬੜੀ ਯਾਦ ਆਉਂਦੀ ਆ, ਓਹ ਗੱਲਾਂ ਜੋ ਬੈ ਕੇ ਮੈਨੂੰ ਸਮਝਾਉਂਦੇ ਸੀ,
ਕੱਲ ਹੋਈ ਭੂਆ ਨਾਲ ਗੱਲ ਮੇਰੀ,ਥੋਨੂੰ ਅਜੇ ਜੇ ਵੀ ਯਾਦ ਕਰ ਰੋਂਦੇ ਸੀ।
ਜਦੋਂ ਖੇਡੇ ਤੇ ਦੋਵੇਂ ਆਪਾਂ, ਮੇਰੇ ਲਈ ਵੀਰ ਮੰਗਣ ਜਾਂਦੇ ਸੀ,
ਫੜ ਕੇ ਥੋੜੀ ਊੰਗਲ ਸੱਚੀ, ਬੜੇ ਸੁਖ ਦੇ ਸਾਹ ਆਉਂਦੇ ਸੀ।
ਜੇ ਮੈਂ ਲਵਾਂ ਬਾਹਰ ਕਿਤੇ ਨਾਂ ਥੋਡਾ, ਲੋਕੀਂ ਮੈਨੂੰ ਪਛਾਣ ਲੈਂਦੇ ਨੇ,
ਤੁਹਾਡੇ ਬੋਲ ਅਜੇ ਵੀ , ਮੇਰੇ ਅੰਦਰ ਸਾਹ ਲੈ ਲੈਂਦੇ ਨੇ ।
ਧੋਣ ਉੱਚੀ ਹੋ ਜਾਂਦੀ ਆ ਸੱਚੀ , ਜਦੋਂ ਮੈਨੂੰ ਕੋਈ ਥੋਡੀ ਪੋਤੀ ਕਹਿੰਦਾ ਏ,
ਥੋਡੇ ਜਾਣ ਮਗਰੋਂ ਵੱਡੇ-ਪਾਪਾ ਜੀ, ਬਾਪੂ ਕੁਝ ਪਰੇਸ਼ਾਨ ਜਿਹਾ ਰਹਿੰਦਾ ਏ।
ਲਿਖਾਈ ਅੱਜ ਵੀ ਖ਼ਰਾਬ ਹੀ ਐ, ਪਰ ਲਿਖਣ ਲੱਗ ਗਈ ਥੋਡੀ ਧੀ ਰਾਣੀ,
ਸਮਾਂ ਲੰਘ ਗਿਆ ਵਾਂਗ ਹਵਾਵਾਂ ਦੇ,ਕਿਉਂ ਰੁਕਦਾ ਨੀ ਅੱਖਾਂ 'ਚੋ ਖਾਰਾ ਪਾਣੀ।
ਪੈਰ ਪਾਵਨ ਲੱਗਾ ਥੋਡਾ ਪੋਤਾ ਕੱਚੀਆਂ ਉਮਰਾਂ 'ਚ,ਅਜੇ ਓਹਨੂੰ ਵੀ ਗੱਲ ਸਮਝਾਉਣੀ ਆ,
ਤੁਸੀ ਵਾਪਸ ਆ ਜਾਓ ਕੁਝ ਵਕਤ ਕੱਢ ਕੇ, ਮੈਂ ਜਾ ਕੇ ਰੱਬ ਨੂੰ ਮਨਾਉਣੀ ਆ।।
ਤੁਸੀ ਵਾਪਸ ਆ ਜਾਓ ਕੁਝ ਵਕਤ ਕੱਢ ਕੇ, ਮੈਂ ਜਾ ਕੇ ਰੱਬ ਨੂੰ ਮਨਾਉਣੀ ਆ।।
-