Love Story

(Story that will tug your heart string)

In the caption

-

Tere shabaab-e-husn par jaan- nisaar hai
aankhon mein teri koii gehri samundar hai

Khuusbuu teri fizaaon mein chaa rahii hai
jaise badaan pe teri koii gul-o-gulzaar hai

Laal lab-e-tabassum pe teri lakh nahl ude
gaalon pe rangat jaise rang-e-bahaar hai

Dhiime saanson pe teri kaii ragbatein hai
dhadkanon pe teri koii tuufaan savaar hai

Kaale zulfon taale naa jane kitne raaz hai
tuu khole agar har ik raaz ik ik dayaar hai

Phuulon sii naazuk hai teri haathon kii lams
tujh se hii sahraa-e-jaan mein bahaar hai

Tere baham chalne vaale jaane kitne hai
Jaane kitne tere raunaq se aaj shayar hai

-

Be-vajah dil ko kyuun dard detaa raha koii
Kyuun miire dil ke itne qariib aataa raha koii

Hai hasrat-e-visaal en ankhoon mein miire
Miire nazron se chhuptaa jaataa raha koii

Vo ik shakhs jo kabhii miire ho naa sakaa
Kyuun us se ummiidein lagaataa raha koii

Khud se nikal kar khud banaa huun main
Miire anaaon par savaal kartaa raha koii

Raqiib huun main khud apne dil-o-jaan kii
Kyuun mujh se dostii nibhaataa raha koii

Raihaan tu mujh ko ab to tabaah hone de
Miire liye zillat-e-duniyaa sahtaa raha koii

-

Koii shakhs nahiin hain apnaa kya kiije
Har koii ban gayaa hain naaya kya kiije

Rishte badalte hain zaruurat ke saath
koii rishta nahiin hain sachaa kya kiije

Marte hain ham roz apne kamre mein
roz uthtaa hain miire janaaza kya kiije

Manaa kii ham nahiin hain kaamyaab
koii apnaa todtaa hain hausla kya kiije

Khaae hain itne thokarein apno se ke
har raat dukhtaa hain siinaa kya kiije

Phodte hain sar diivaaron mein roz ke
roz bikhar jaate hain ik rishta kya kiije

-

Chiikh rahen hain sadkon pe jism
Honge aahista baatein phiir kabhii

Tum apna haal kyuun puuchhte ho
Ham khud ke liye jiienge phiir kabhii


R Ahmed

-

Tuutte jaa rahen hai har ik iinten
Dhaate jaa rahen hai maakaan

Tum muhabbat kii baat karte ho
Muhabbat kii baatein phiir kabhii

R Ahmed

-

Jaate jaate judaaii ke sabaab to bataate jaa
jaan-e-jaan ab zakhm aur naa badhaate jaa

Ranjishe.n pursishe.n sab tiire haq me.n the
jo bacha miire haq ke kuchh to nibhaate jaa

Tere tasviire tere gulaab yaadein bache hai
jaane se pahle apne haathon se mitaate jaa

Aur naa ho.nge tiiri ziqr mere mahfilon me.n
akhiiri baar mahfilon me.n rang zamaate jaa

Phiir naa aa.uu.n hosh me.n kuchh aisaa kar
mujh ko saaqii apnii haathon se pilaate jaa

Raihaan maar chukaa hai tere judaaii me.n
iss haal pe han.ste hue aur naa sataate jaa

-

Mat rakh ummiide.n mujh se ae zindagii
bojh uThaate uThaate KHasaara ho gayaa

-

Ik hii palak me.n abr se havaa ho gayaa
main bhii naa jaane kyaa se kyaa ho gayaa

Thaa zo.am chaa.ndnii ko bhii KHud par
Ik hii jhalak me.n phiir saveraa ho gayaa

Ik roz main haar kar ghar pahu.nchaa to
mere ghar vaale mujh se KHafaa ho gayaa

Mat rakh ummiide.n mujh se ae zindagii
bojh uThaate uThaate KHasaara ho gayaa

Shiisha bhii kyaa kartaa ke vo duusro.n ko
sajaate sa.nvaarte KHud mailaa ho gayaa

Ab kaise ha.nste vo log mujh par Raihaan
ke miraa dard mujh ko gavaara ho gayaa

-

Chalte chalte roz thak jaate hai paaon
ae zindagii paaon ko koii baseraa de

-