புலரியின் வைகறை நெய்தலடி கண்ணம்மா -நீ
புத்தேளுலகு படைக்கும் வஞ்சியடி கண்ணம்மா
புலமைப் பெருங்கடல் தூலகமடி கண்ணம்மா-நீ
புன்னகை பூக்கும் பூஞ்சோலையடி கண்ணம்மா

-

அன்புச் செல்வங்களே

உள்ளதை உள்ளபடி சொல்வீர் சொல்வீர்
உண்மையிதுவென உணர்வீர் உணர்வீர்
உற்சாகமுடன் மெய் உரைப்பீர் உரைப்பீர்
உள்ளத்தில் நேர்மை கொள்வீர் கொள்வீர்
உறுதிபூண்டு வாய்மையை பின்பற்றுவீர்
உளமார உள்ளத்தூய்மை காப்பீர் காப்பீர்
உயர்ந்த பண்பினை வளர்ப்பீர் வளர்ப்பீர்
உன்னத மேன்மைகள் பெறுவீர் பெறுவீர்
உண்மை சொன்னால் உயர்வீர் உயர்வீர்
உலகமே போற்றும்படி வாழ்வீர் வாழ்வீர்!

-

சித்தி
சித்தி எமையியக்கும் வாத்தி
சிறுகதைகளியம்பும் கிழத்தி
சிற்றுணவிலசத்தும் நேர்த்தி
சிறுமையகற்றும் அம்புயத்தி

சித்தி வழிகாட்டும் சினேகிதி
சிரம்மேற்கொள்ளும் அநுரதி
சித்தாந்தம் நவிலும் அகராதி
சினம்காக்க கூறுவாள் புத்தி

சித்தி நலம் காக்கும் வைத்தி
சிங்கார நடையழகில் பகீரதி
சிலிர்ப்பூட்டும் பொன்னிநதி
சிறுநடை பயிலும் அமராவதி

சித்தி எங்களின் ஆத்ம சக்தி
சிந்துமின்குரல் செந்துருத்தி
சிணுங்கும் குழைகள் சரமதி
சிறகை நல்கும் நளினகாந்தி

சித்தி மணக்கும் குருக்கத்தி
சிவந்த இதழும் செம்பருத்தி
சிந்தை மயக்கும் செவ்வந்தி
சிரித்த முகமும் சூரியகாந்தி

சித்தி எங்கள் மனம் கொத்தி
சிறப்புற பாடுவோமவள் துதி
சிற்றாய் நலம் வாழ வாழ்த்தி
சிந்தாமணி சூடி மகிழ்வோம்!!

-

அல்ஃபாத்திக் 💞 நஸ்ரின்

அன்பு மகனின் மனம் கவர்ந்த நங்கையாள்
அகம் நிறைக்க வந்த அழகு நறுமுகையாள்
அல்ஃபாத்திக்கின் இதயத்துடிப்பு நஸ்ரீயாள்
அருந்ததியாய் ஒளிரும் நற்சித்திரமாவாள்
அலர்கதிரின் கண்மணி நற்பிறைமதியாள்
அருந்தவமாய் கிடைத்த நன்மொழியினாள்
அஞ்சாநெஞ்சனின் இமை நற்றுணையாள்
அணிக்கு அணிசேர்க்கும் நளினமுடையாள்
அதிகுணனின் மனையாள் நற்பண்பினாள்
அறுசுவை படைக்கும் நகைச்சுவையினாள்
அனந்தனின் பொருளாள் நகையெழிலாள்
அறிவுச்சுடராய் வந்தாளப் போகும் நல்லாள்
அருட்குமரனின் மணிமகுடம் நறுந்தமிழாள்
அகில் மணக்கும் மங்கை நறும்பொழிலாள்
அனுகனின் உயிர்மெய்யும் நன்னெறியாள்
அரணாயிருக்கும் மாயனின் நயமுடையாள்
அறவழியில் இல்லறம் சிறக்க நல்லாசிகள்
அகவாழ்வில் மேன்மையுற நல்வாழ்த்துகள்
அன்பிற்கினிய இருவருக்கும் நல்லாசிகள்
அளவற்ற நன்மைகள்பெற நல்வாழ்த்துகள்!

-

தஞ்சமடைந்தவரின் உளமறிந்து உதவுதல் மாண்பு

மிஞ்சியதும் எஞ்சியதும் தருவதல்ல.

-

🐶 பவ் பவ் 🐶

அடடா

தலைப்புச்செய்தியே நாங்(ய்)கள் தானா..
ஏனுங்க.. எனக்கு ஒரு டவுட்டுங்க..
ஊரு உலகத்துல வேற பிரச்சனையே இல்லையா..
எங்களை வச்சு
விவாதமெல்லாம் வேண்டாம்ங்க..
அற்ப பிறவி தான நாங்களெல்லாம்..
நன்றி கெட்ட நா... உங்களை
அண்டிப் பிழைப்பதை விட
செத்துப் போறதே மேல்..

-

ஆனந்த இராகம் ஆனந்தி

ஆனந்தி பெருமை பாடுவோம்
ஆராரோ வாழ்த்து கூறுவோம்
ஆனந்தம் பொங்க பாடுவோம்
ஆசைகளீடேற வாழ்த்துவோம்

ஆணிமுத்தழகைப் பாடுவோம்
ஆராரோ வாழ்த்து கூறுவோம்
ஆற்றலினியளைப் பாடுவோம்
ஆராசக்தி பெற வாழ்த்துவோம்

ஆம்பல் முகத்தைப் பாடுவோம்
ஆராரோ வாழ்த்து கூறுவோம்
ஆச்சியின் பாடுகள் பாடுவோம்
ஆரவாரத்துடன் வாழ்த்துவோம்

ஆராவமுதினியைப் பாடுவோம்
ஆரிராரோ வாழ்த்து கூறுவோம்
ஆனந்தவல்லியைப் பாடுவோம்
ஆசிகள் பெற்று வாழ்த்துவோம்

ஆகாயகங்கையைப் பாடுவோம்
ஆரிராரோ வாழ்த்து கூறுவோம்
ஆத்திசூடிய மலரைப்பாடுவோம்
ஆரத்தியெடுத்து வாழ்த்துவோம்!!

-

🐶 பவ் பவ் 🐶

கொஞ்சம் பொறுமையுடன் காத்திருந்து

பின் பாதை தெளிவானதும் பயணிப்போம்


இந்நாள் இனிதாகட்டும்

-

🐶 பவ் பவ் 🐶

ஒரு கையில் பால்
ஒரு கையில் பினாயில்
(ஆகா ! மனுசங்க எவ்வளவு க்யூட் !!)
இதுவும் கடந்து போகும்..

இந்நாள் இனிதாகட்டும்

-

🐶 பவ் பவ் 🐶


🐶கைபிடியளவு அன்பு வேண்டாம்
விழியளவு கருணையும் வேண்டாம்
சின்னப் புன்னகை மட்டும் போதும்
இந்நாளும் எந்நாளும் இனிதாகும்🐶

-