ತಲೆಗೇರಿದ ನಾನತ್ವದ ಹುಳುಕಿಗೆ
ಮನವಷ್ಟೇ ಅಲ್ಲ,
ಮೆದುಳೂ ಕೊಳೆಯುತ್ತದೆ...!
ತುಟಿ ನಕ್ಕರೂ,ಮನದ ಸೊಕ್ಕು
ನುಡಿಯಲ್ಲಿ ಪ್ರತಿಬಿಂಬಿಸುತ್ತಿರುತ್ತದೆ.
ನಾನು ನಾನೆಂಬ ಗರ್ವ ಇಳಿದರಷ್ಟೆ
ಸ್ನೇಹ ಸಂಬಂಧ ಚಿರಾಯು,
ವೃತ್ತಿ ಬದುಕಿನಲಿ ಯಶಸ್ಸು....!!

-

ಮುಖವಾಡ ಬೇರು ಬಿಟ್ಟಿದೆ
ಕಿತ್ತೊಗೆಯಲಾರದಷ್ಟು....!
ನಂಬಿಕೆ ತೀರಾ ಹದಗೆಟ್ಟಿದೆ
ಬದುಕುಳಿಯಲಾರದಷ್ಟು...!

-

ಅದೆಷ್ಟೋ ಪರೋಪಕಾರಗಳು ಕೃತಘ್ನತೆಯ
ಉರಿಬಿಸಿಗೆ ನರಳಿ ನರಳಿ ಸಾಯುತ್ತವೆ.
ಚೂರುಪಾರು ನೆನಪಿನ್ನಲ್ಲುಳಿದ ಉಪಕಾರಗಳು ಕೃತಜ್ಞತೆಯ ನೆರಳಿನ ಮಡಿಲಲ್ಲಿ ಸುಖಿಸುತ್ತವೆ..

-

ಕಷ್ಟ ಎಂದಾಗ ನಿನಗಾಗಿ ನಾ ಮಾಡಿದ ಸಾಲ
ಹಿಂತಿರುಗಿಸದೆ ನೀ ಸತಾಯಿಸಿದ ಆ ಕಾಲ
ಸ್ನೇಹದ ಹೆಸರಿನಲ್ಲಿ ನೀ ಹರಡಿದ ಮೋಸದ ಜಾಲ
ಮರೆಯಲಾಗುವುದೇ....!!

-

ಕಷ್ಟ ಎಂದಾಗ ಕಷ್ಟ ಪಟ್ಟು
ದುಡಿಯಬೇಕೇ ಹೊರತು
ಕಷ್ಟ ಪಟ್ಟು ದುಡಿಯುವವರ
ದುಡಿಮೆಯಲಿ ಬದುಕು
ದೂಡಬಾರದು
ಛಲವಿರಲಿ ಬದುಕಿನಲಿ
ದುಡಿಮೆಯಲಿ ಮನಸಿರಲಿ..!!

-

ಮುಟ್ಟಿ ಮುಟ್ಟಿ ನೋಡಿ
ಆರಿಸುತ್ತಿದ್ದೆ
ಅವಳನು.!
ಮುಟ್ಟದಂತೆ
ಹಾರಿದ್ದಾಳೀಗವಳು
ಗಗನದೆತ್ತರಕೆ ....!!
ಅವಳೀಗ ಬಲು ದುಬಾರಿ !!
🍅🍅🍅🍅🍅🍅

-

ಕನಸೂರಿಗೆ ತೆರೆದಿತ್ತು ಹೆಬ್ಬಾಗಿಲು
ನನಸೂರಿಗೆ ಕತ್ತಾಲವರಿಸಿದಂತಿದೆ ಹಾಡ ಹಗಲು

-

ಹಿಂದೆ...ಬೀದಿಯಲ್ಲಿ
ಕೊಡದ ನೀರಿಗಾಗಿ ಕಿತ್ತಾಟ
ಈಗ ..ಬಸ್ಸಿನಲ್ಲಿ
ದುಡ್ಡು ಕೊಡ (ದ) ಸೀಟಿಗಾಗಿ ತಳ್ಳಾಟ

ಉಚಿತಗಳು ಅನುಚಿತ ವರ್ತನೆಗೆಡೆಯಾಗದಿರಲಷ್ಟೆ..!

-

ಭಾವನೆಗಳ‌‌ ಪೋಣಿಸಿ
ನೇಯ್ದಿಟ್ಟ ನೆನಪುಗಳು
ಕೂಡಿಕೊಂಡಾಗಿವೆ
ಹೃದಯಕೆ ಬೆಚ್ಚನೆಯ ಹೊದಿಕೆ.!!
ಬದಲಾಗುವ ತಾಪಮಾನಗಳೂ
ಮಾಡಿಕೊಂಡಿವೆ ಮನದ ಜೊತೆ ಹೊಂದಾಣಿಕೆ...!!
ಬದಲಾಯಿಸುವ ಗೋಜಿಲ್ಲ
ಮಾಸಿ ಹೋಗುವ ಭಯವಿಲ್ಲ
ಉಸಿರಿರುವ ತನಕ ಜೊತೆಗಿರುವುದು.
ಮರೆವೆಂಬುದು ಬರೀ ನೆಪ ಮಾತ್ರಕೆ..

-

ದೂರಿದವರು ದೂರಾದರೇನಿನಸದು
ದೂರದಯೇ ದೂರಾಗುವವರ ಮನ ಸಹಿಸದು

-