લીધું નથી મે
આ જીવન ગંભીરતાથી,
તે એણેય મને ક્યાં
ક્યારેય મહત્ત્વ આપ્યું છે!

-

જરાક જો શોધ્યું હોત મે ક્યારેક,
હું મારામાં જ ક્યાઈક મળી ગયો હોત મને.

-

સાવ સામાન્ય નામ છે મારું,

છતાંય તારા હોઠે આવે
તો ખાસ લાગે છે.

-

કેટલીય વાતો ભેગી કરું છું
તને કહેવા માટે.
તું મળે ત્યારે,
માત્ર તને સાંભળ્યા કરવાનું
મન થાય છે.

-

વાર્તા હતી તો ટૂંકમાં પત્યું
તારું મારું પ્રકરણ,
નવલકથા જો હોય તો કદાચ લાંબુ હોત.

-

ખારો છે, કહેતાં કહેતાં
દરિયો એ પીતાં રહ્યાં,
એ દિલ તોડતાં રહ્યાં,
અમે પ્રેમ કરતા રહ્યાં.

-

તને જે કેહવું છે
એ તારા સિવાય
બીજા બધાને કહી શકું છું.

તને નથી કહી શકાતું
એની જ તો મજા છે.

-

ગઈ ક્ષણે જેવો હતો,
આ ક્ષણે એથી વધુ થાય છે.
તને જ્યારે જ્યારે જોઉં છું
ત્યારે ત્યારે ફરી તારાથી પ્રેમ થાય છે.

-

તમે મળ્યાં મને
એની આ મેહેરબાની છે
કે ખુદને થોડું વધુ ચાહી શક્યા અમે.

-

નથી જ્યાં તું,
ત્યાં પણ તું જ હોય છે.
આ પ્રેમ છે પ્રીતમ!
તારી હાજરીમાં હોઈ છે અસર જેટલી
તારી ગેરહાજરીમાં એથી વધુ હોય છે.

-