ಭಾವಗಳ ಸಮುದ್ರಗಳಿಂದೆದ್ದು
ಚಂಗನೆ ಹಾರಿ ಅಪ್ಪಿ ತೋಯಿಸಿದಂತೆ
ಮುಂಚೆ ಇದ್ದ ಕನವರಿಕೆಗಳೆಲ್ಲ ಬರೀ ಸೊನ್ನೆ
ಅದೊಂದಿತ್ತು ಕನಸು ಮುರಿದ ಜೋಪಡಿಯೊಳಗೆ
ಮುಂಜಾನೆ ಪುಟ್ಟ ಮಗುವಿನ ಆಕಳಿಕೆಯ ಸದ್ದಿನಂಥದ್ದು;
ಇನ್ನು ಮುಂದೆ ತಾಯಿ ಪ್ರಪಂಚ
ಕಣ್ಣಲ್ಲೇ ಹುಟ್ಟಿ ಮನಸಿನಾಳಕ್ಕೆ ಸಾಯೋದು ಪ್ರೀತಿಗಷ್ಟೇ ಗೊತ್ತು, ದೇವರ ಅದ್ಭುತಗಳಿಗೊಂದು ಸಲಾಮ್!!
ಜೀವ ವೀಣೆ ಮಿಡಿದಷ್ಟು ನಾದ ಮುಗಿಯಲೇ ಇಲ್ಲ,
ಅದು ನಮ್ಮಿಬ್ಬರ ಜೀವದ ಗುಟ್ಟಾಗಿತ್ತು
ಮುಗಿದಂತಿದ್ದ ಕನಸುಗಳಿಗೆ ಮಹೂರ್ತ ನೀಡಬೇಕಿನ್ನು
ಪ್ರೀತಿಗೆಂಥ ಹೆಸರು ಹೇಳು?,ಪ್ರತಿ ಜನುಮದ ಗಂಟಿಗೆ ಒಲವಾಗಲಿ ಸ್ಫೂರ್ಥಿ ಇನ್ನೂ...
-