பிச்சைக்காரன்

வாழ்வில் எதையும்
தன்னிடம்
யாசித்தது இல்லை...,
என்பதாலோ என்னவோ!,

மனிதனிடம்
யாசிப்பதையே,
வாழ்க்கையாய் மாற்றினானோ ?!..
இறைவன்!....

-

எனக்கான எதிர்பார்ப்புகள்

புரிந்து கொள்ள நீயும்
புரியவைக்க நானும்
இருந்தும் தோற்றுப்போகிறது,...

வார்த்தைகள்
உணரவைப்பதில்!.....

-

*திசைகளின் நடுவில்*

அசைய மனம்
இசைவின்றி நிற்க ,

பாதைகள் உருவானது
பாதங்கள் பயணிக்க!...

வழித்துணையாய்
என்னவன் கைபிடிக்க!...

-

*நிழலின் மௌனம்*

நீண்ட இரவின்
நிசப்தத்தின் இசையினை,
நித்தமும் நிந்தித்து !...

நான் எழுதும்
கவிதை வரிகளின்
நிதர்சனம் புரிவதில்லை,
உனக்கு....
தெரியாத என்
நிழலின் மௌனம் போல்!....

-

உன் வார்த்தைகளின் சாரம்!

மறக்க இயலாத நேரங்களில் ,
என் விழிகளில் ஈரம்!

நினைவில் நிழலாடும் தருணங்களில்,
மனதில் பற்றிக்கொள்ளும் பாரம்!

புலம்பித்தான் தவிக்கிறேன்,
இப்படிக்கு உன் தாரம்!.....

-

உறங்கும் முன் நினைவில்
உரைத்த உன் வார்த்தைகள்,

நிழலாடுதே நித்தமும் ,
நித்திரையும் பறிபோகுதே
விழிகளில்!...

விடியலில் விழி அயர்ந்திட
விடை பெற்றது,
இருளும் நினைவும்!....

-

இமைகள் மூடித் திறக்கும் முன்
இசைவாய் மனதை நீ ஆட்கொண்டதென்ன?!

இயங்க மறந்த இதயத்தின் வார்த்தைகள்
இயல்பாய் வர மறுத்ததென்ன?!

இவையாவும் சொல்லிச் செல்லும் அர்த்தமென்ன?!
என்னுள் நீ உள்ளதென்பதையா?!

-

விழிமூடும் தருணங்களில்
விழ வைத்தாய் உன் நினைவுகளில்...
விழித்தெழ தோன்றாமல்
வீழ்ந்து கிடக்கின்றேன்,
விழி மூடி...!

-

எல்லாவற்றையும் பிரிந்து
இணைந்த உறவு,
பிரியத் துடிக்கின்றது...
எல்லாவற்றையும் மறந்து.!!

-

சில நேரங்களில்
உன்னைத்
தொலைத்து விடுகிறேன்,
உன் கோபங்களால்...!

தொலைந்து போன
உன்னை மீட்க,
தொலைகிறது
என் புன்னகை...!

நீரின்றி வாடுவது ,
செடி மட்டுமன்று ;
அதன் வேரும் தான்..,
புரிந்து கொள் தோழா...!

-