ପ୍ରଥମାଷ୍ଟମୀ☘️

-

ଛୁଟି ସବୁ ସରି ସରି ଆସିଲାଣି

-

ବାଡ଼ି ପଛ ପଟେ ଥିବା ସେ ଗଛ କାଇଁ କୋଉ ଅମଳରୁ ଛିଡା ହେଇଛି... ସେ ତେନ୍ତୁଳି ଗଛ ବିଷୟରେ ଜେଜେ ମା ଠାରୁ କେତେ ଭୂତ ପିଶାଚ ଗପ ଶୁଣିଛି। ଗପ ଶୁଣି ଶୁଣି କେତେବେଳେ ଯେ ଜେଜେ ମା କୋଳରେ ଆଉଜୁ ଆଉଜୁ ଆଖି ମୁଦି ହେଇ ଆସେ ଜଣା ପଡେନି। ଛୋଟ ବେଳେ ମୁଁ ସେ ଗଛ ପାଖକୁ ଯିବାକୁ ବହୁତ୍ ଡରେ।ଆଜି ମୁଁ ବହୁତ୍ ବଡ ହେଲିଣି। କିନ୍ତୁ କାହିଁକି କେଜାଣି ଏବେ ସେ ଡର ଆଉ ନାହିଁ ସେ ତେନ୍ତୁଳି ଗଛ ମୋର ଉତ୍ଥାନ ପତନ ସବୁ ଦେଖିଛି। ମୁଁ ମୋ ନିଜ ଉପରେ ବର୍ଷି ଯାଇ ଯାବତୀୟ ଦୁର୍ଭାଗ୍ୟ ବି ଧୋଇ ନେଇ ଯିବାର ସେ ସାକ୍ଷୀ ଅଛି। ସେ କିନ୍ତୁ ତା ଦୁର୍ଭାଗ୍ଯ କୁ ଧୋଇ ପାରିନି ବର୍ଷାରେ.. ବୋଧେ ସେଥିପାଇଁ ମୁଁ ତାକୁ ଭୟ କରୁନି ବରଂ ତାର ଥୁଣ୍ଟା ନୁଖୁରା ଅସହାୟ ତଥା ଶୋଚନୀୟ ଅବସ୍ଥା ପାଇଁ ସମବେଦନା ଜଣଉଛି।

-

ଆକାଶ ବି ଏକ ସମୁଦ୍ର ଯେ.....

-

ଭାବନାର ଶେଷରେ
ନିଚ୍ଛକ ବାସ୍ତବତା ଥାଏ
ଯାହା ଇଚ୍ଛା ନ ଥାଇ ବି
ଭାବନାକୁ ବେତ୍ରାଘାତ କରି ଚାଲିଥାଏ।

-

ତୁମେ ଆଉ ମୋ ଶବ୍ଦମାନେ

ତୁମେ ଠିକ୍ ମୋ ଶବ୍ଦ ମାନଙ୍କ ପରି
ଯେମିତି ଶବ୍ଦ ମାନଙ୍କ ବିନା ମୁଁ ଅଲୋଡା,
ସେମିତି ତୁମ ବିନା ମୁଁ ଅସଜଡା।

ମୋ ଶବ୍ଦମାନେ ଅନ୍ଧାର ଘରେ
ଦୀପାଳୀ ସଦୃଶ,
ଆଉ ତୁମେ ମରୀଚିକା ସମ ଜୀବନରେ
ଗନ୍ତବ୍ୟର ପରଶ।

ଶବ୍ଦ ମାନଙ୍କୁ ନେଇ ମୁଁ ସତରେ
ଆଜି ସ୍ଵୟଂ ସମ୍ପୂର୍ଣ୍ଣ,
ଆଉ ବାକି ଯାହା ଅଛି ଶୂନ୍ୟସ୍ଥାନ
ତୁମେ କରିଦିଅ ପୂରଣ।

ଶବ୍ଦ ମାନେ ମୋ ସମର୍କୀୟ
ଆଉ ତୁମ ସହ ମୋର ଅତୁଟ ସମ୍ପର୍କ,
ଶବ୍ଦ ମାନେ ମୋ ପାଇଁ ଆଲୋକ
ଆଉ ତୁମେ ମୋ ପଥପ୍ରଦର୍ଶକ।

-

ଦୂର ଅକାଶର ଜହ୍ନ

ଦୂର ଅକାଶର ଜହ୍ନ
ତା ଦେହରେ ସିନା କଳଙ୍କର ଚିହ୍ନ
କିନ୍ତୁ ଆଜି ବି ସେ ପ୍ରେମିକ ପ୍ରେମିକା ପାଇଁ
ସୌନ୍ଦର୍ଯ୍ୟର ଉପକରଣ..

ଦୂର ଆକାଶର ଜହ୍ନ
ଅମାବସ୍ୟାରେ ସିନା ଲୁଚିଯାଏ,
କିନ୍ତୁ ଆଜି ବି ବାର୍ଦ୍ଧକ୍ୟ
ତାକୁ କରିପାରିନି ଆମନ୍ତ୍ରଣ...

-

ଏକ ଅସମାପ୍ତ ସ୍ଵପ୍ନର ଶେଷ ଦୃଶ୍ୟ....
(ସମ୍ପୂର୍ଣ୍ଣ ଲେଖା ଅନୁଶୀର୍ଷକରେ)

-

ଜୀବନରେ କିଏ ଆସେ କେତେବେଳେ
କୁହନ୍ତା କି ଥରେ ତା ଯିବାବେଳେ
ବିଦାୟକାଳୀନ ସଙ୍ଗୀତଟେ ଲେଖନ୍ତି
ଆଉ ସେ ସଙ୍ଗୀତ ଗାଇ
ହସ ଖୁସିରେ ବିଦାୟ ଦିଅନ୍ତି...
କିନ୍ତୁ ଏହା କଣ ସମ୍ଭବ
ସ୍ଵାଗତ ଭାଷଣ ଯାହା ଆସିବା ଖୁସିରେ
ପରିବେଷଣ କରିଥିଲି,
ବିଦାୟକାଳୀନ ସଙ୍ଗୀତ ତା ପାଇଁ
କେମିତି ଲେଖିଲି..
ଆସିବା ଆଉ ଯିବା ସ୍ରୁଷ୍ଟିର ଚିରାଚରିତ ନିୟମ ବୋଲି
ମୁଁ ବୋଧେ ହୃଦୟଙ୍ଗମ କରି ସାରିଥିଲି..
ଆଉ ସେ ନିୟମ ର ଶିକୁଳିରେ
ନିଜକୁ ବାନ୍ଧି ଦେଇଥିଲି....

-

ବିଶ୍ଵାସ..

କେବେ କେବେ ବିଶ୍ଵାସ ନିଶ୍ଵାସ ପରି ହେଇଥାଏ ନା
ନିଶ୍ଵାସ ପରି ବିଶ୍ବାସ ହଜିଗଲେ
ଜୀବନର ସବୁକିଛି ହଜିଯାଏ
ଆଉ ଦେହରେ ଜୀବନ ଥିଲେ ବି
ଶରୀର ମୃତପିଣ୍ଡ ପରି ମନେହୁଏ,
ସବୁ ଆଶା ନିରାଶା ହେଇ
ପାଣି ଫୋଟକା ପରି ମିଳେଇ ଯାଏ
ଗଡ଼ ଜିତିଥିବା ମଣିଷ ବି
ଏସବୁ ପାଖେ ହାରିଯାଏ
ଆଉ ସ୍ଵପ୍ନ ସବୁ ଗଙ୍ଗଶିଉଳି ଫୁଲ ପରି
ରାତିରେ ଫୁଟି ସକାଳକୁ ଝଡ଼ିଯାଏ
ବିଶ୍ଵାସ ଭାଙ୍ଗିଲେ ଏମିତି ହିଁ ହୁଏ......

-