నా రాతలలో అక్షరం అయి చూడు

కారు మబ్బులు కమ్మేద్ధాం అనుకున్న
సాయం ఎరుగని సూరీడు జ్వలిస్తా అంటున్న
సందె వేల సందమామ దాగుడుమూతలు ఆడుతున్న
నిలకడ గా నిల్చున్న నింగికి సరి సాటిగా
నిలువెల్లా నీ వెంటే కాపు కాస్తుంటా

-

మదిలో అలజడి మొదలైంది
తప్పు ఒప్పుల సంఘర్షణ లో పడింది
ఈ అకాల పెను తుఫానుకు
మూలం ఎవరైనా ఏదైనా
మూల్యం మాత్రం నేనే చెల్లిస్తున్న

-

పిల్ల కాలువ లో ఒంటరి ప్రయాణం మొదలైంది
ఎన్నో మచిలీలు మజిలీలు అయ్యాయి
ఆ మచిలీలు వలలో పడ్డాయో సంద్రానికి చేరాయో
ఈ ప్రయాణం మళ్ళీ ఒంటరి అయ్యింది

-

ఎన్నో సూర్యోదయాలు గడిచాయి
నేనేంటో నాకు పునః పరిచయం కావడానికి

-

గగన్నాన్ని ఘనంగా చూసిన కళ్ళు
వాతావరణ పరివర్తన అనుకున్నాయి
ఆలోచనా పరివర్తన అని తెలియక

-

Learning to get habituated to send the people off from the life

-

కంటికి కనిపించ ని బంధం కోసం
ఎడ తెరపు లేని ఎదురు చూపులు
అడుగంటని అహానికి ఆనకట్టులు
దిక్కు తోచని ఏకాంతాలు
భరించలేని భాధలు
ఊహించని ఆనందాలు
ఇదేనేమో బంధం అంటే

-

పరిస్థితుల ప్రభావమేమో

నిజానికి అబద్దానికి దూరం తగ్గిపోతుంది

-

చాలా కష్టమయ్యింది

పట్టుకోడానికి
వదిలేయడానికి కూడా

-

మనసు ఎంత మంచిదో కదా
బరువని తెలిసిన కళ్ళ నుంచి
వచ్చే కన్నీళ్ళని వెలిపోనీకుండ
తన దగ్గరే సంద్రంలా దాచిపెడుతుంది

-