ಜಾತ್ರೆಯೇ ಮುಗಿದಿದೆ
ಇನ್ನೇಲ್ಲಿಯ ತೇರು
ಗುಡಿ ತಲುಪಿಸಿ ಹೊರಟಿಹರು
ತಿರುಗಿ ನೋಡಿಲ್ಲ ಯಾರು
ಜಗಮಗಿಸುವ ಬೆಳಕಿನ ಅಲಂಕಾರ
ಜನಜಂಗುಳಿಯಲಿ ಸಾಗಿದೆ ಜೈಕಾರ.........

ಹೊತ್ತು ಮೆರೆಸಿದರು ನಿನ್ನ
ಉತ್ಸವ ಮೂರ್ತಿ ನೀನು
ಹೂತು ಮರೆತಿಹರು ಎಲ್ಲ
ಇನ್ನು ಉಳಿದಿಲ್ಲ ನಿನ್ನದೇನು...

ಎಲ್ಲೋ ಕೇಳಿತಲ್ಲೋ ಎಂದೊ ಗೈದುಪಕಾರ
ಜೊತೆ ಮಣ್ಣಾಯಿತಲ್ಲೋ ನಿನ್ನ್ ಹಣ ಅಧಿಕಾರ.
ಜಗಮಗಿಸುವ ಬೆಳಕಿನ ಅಲಂಕಾರ
ಜನಜಂಗುಳಿಯಲಿ ಸಾಗಿದೆ ಜೈಕಾರ....

ಜಾತ್ರೆಯೇ ಮುಗಿದಿದೆ ಇನ್ನೇಲ್ಲಿಯ ತೇರು

-

ತಪ್ಪು ತೋರಿದವರ
ತಪ್ಪು ತಿಳಿಯದೇ
ತಪ್ಪೊಪ್ಪಿ ತಿದ್ದಿ ನಡೆ.
ತಪ್ಪೊಪ್ಪದೇ
ತಪ್ಪನ್ನೆ ತಬ್ಬಿದರೇ
ನಿನ್ನ ತಬ್ಬಿತೆನೋ ತಿಥಿ ವಡೆ.

ತಪ್ಪನ್ನೆ  ಹುಡುಕಿ
ಕೆದಕಿ ಕೆದಕಿ
ಕೆಣಕುವವರ ಕಡೆ
ಕಡೆಗಣ್ಣು ಹಾಯಿಸದೇ
ಕಾಯಕದೀ ಕಾಯಚಿತ್ತನಿಟ್ಟು
ಕನಸಿನತ್ತ ನಡೆ.
ಕರುಣೆ ತೋರಿಯಾನು
ಕರುಣಾಮಯಿ ನಿನ್ನೆಡೆ.

-

ನಮ್ಮವರ
ನಗುವಿಗೊಸ್ಕರ
ಒಮ್ಮೆ ನಗೋಣ.

-

ಬನ್ನಿರೆಲ್ಲ ಹಿಂಡು ಹಿಂಡಾಗಿ
ಪಾದಯಾತ್ರೆ ಮಾಡುವ ಎಲ್ಲ ಕೂಡಿ
ಮಿಕ್ಕವರೆಲ್ಲ ಮನೆಯಲ್ಲಿದ್ದು
ಕರೋನ ವಿರುದ್ಧ ಹೋರಾಡಿ.

-

ಹ್ಯಾಪಿ ರಕ್ಷಾ ಬಂಧನ

-

ಸ್ವಚ್ಛ ಮನಸ್ಸಿರದ
ತುಚ್ಚ ಜನರ ನಡುವೆ
ಹುಚ್ಚನಾದವನೇ ಜಾಣ.

-

ಮನಸ್ಸು
ಅವಳೆಡೆಗೆ
ವಾಲಿರುವುದೇ
ಒಲವು.

-

ಯಾವ ನದಿಯಲಿ ಮಿಂದರೇನು,
ಮನವು ಮುಳುಗದೇ ಗಂಗೆಯಲಿ ?

-

ನಿನ್ನದೀರಲಿ ನಿನಗೆ,
ಏತಕದು ಪರರಿಗೆ
ಪೋಷಿಸು ಇಲ್ಲ ದೂಷಿಸು,
ಘೋಷಿಸಿ ಫಲವೇನು ಸಂತೆಯಲಿ ?

-

ನಾವು
ನಮ್ಮವರಲ್ಲಿ
ಕುರುಡರಾಗುತ್ತೆವು.

-