त्या अबोल राती तुझी आठवण आली
तु नसता समोरी तरी मनाची घालमेल झाली...!!

पावसाळी ऋतूने हवेची लाट थंडगार भासली
तु नसशील येणार तरी डोळ्यांनी वाट फक्त तुझीच पाहिली...!!

काळ्याभोर दाट झाडीतून काजव्यांची लुकलुक जागली
तु नसता जवळी तरी स्वप्नात ही तुझाच भास रंगवू लागली...!!

-

शब्दात न मांडता येईल असे नाते अपुले
गोड गोड वाटते तुझ्या मैत्रीच्या सवे
ना बोलता तु मला जाणवे
बोलता बोलता तु मनात ते साठवे
होता मैत्रीची आठवण तुझ्या भेटीची ओढ लागते
तु करीता ती सोबत संकटात हि वाट सापडे
तुझ्या माझ्या मैत्रीचा ओलावा नित्य तो बहरे
तुझ्या येण्याने आयुष्यात मैत्रीत्वाचा अर्थ हा गवसे


Happy Birthday shubhu ❤️☺️🎂

-

कर्तृत्वाचा ठसा उमटला
मानाचा तुरा अभिमानाने रोवला

पाहुन ते परकीय स्वकीय
झेलल्या शुरानी त्या यातना

उद्धारासाठी महाराज येऊनी
त्या जाग्या झाल्या नव चेतना‌

होऊन प्रफुल्लित गातो आम्ही
महाराष्ट्राची मराठी ती अस्मिता

करून साजरा उत्सव बलिदानाचा
जयजयकार करीतो मराठी माय मातीचा

-

नाजूकशी अल्लड
उमलत्या फुलांची ती सोबत
डोळ्यात साठवते दुनिया रंगीबेरंगी सुंदर
क्षणाक्षणात लेखते काही कविता ती अलगद
नात्यांची ती माळ नवीनवीन फुलांनी बहरते चंचल
नाजूकशी गोड शब्दांच्या देशातील ती कवियत्री अवखळ
आवाज व सुरांचा तिच्याशी जुनापुराणा तो संबंध
अश्या माझ्या गोड बहिणीला
वाढदिवसाच्या शुभेच्छा देते सुखकर
Wish you many many
happy returns of the day bala 😘❤️

-

अनोळखी जगात सोबत
निखळ आनंदाची तो गंमत
परीकथेतील‌ गोड तो संगत
तिखट गोड, थोडासा कडू तो अवखळ...

संसारातील नाजूक कडीची पकड
साथीदार नव्हे तर जन्मोजन्मीची तो सोबत
ओलावलेल्या डोळ्यातील सुखाची फुंकर
सोबत राहणारा असा तो एकमेव ऐवज...

थोडासा कठोर तर कधी प्रेमळ
नवरा असूनही जपतो वडीलांच्या मायेने तो केवळ
मोकळ्या आकाशातील तो लखलखता सुर्य
दु:ख, त्रास विसरूनही हसवणारी अशी तो सोबत...

-

अजंनीपुत्र | तव पवनसुतनामा ||
महावीर तुझे | नाम भवभयहारा ||
रामदुत तु | महाबली बुद्धी प्रदायका ||
दुमदुमला पातळ | कडाडून त्रिभुवन उद्रेकीला ||
शीव‌शंकर अवतार | तु परमरुप त्रिलोचना ||
भावभय दुखहारी | संकटमोचक तु हनुमंता ||
उड्डुगण उच्छेद | रामदास शक्तीच्या शोधा ||
अकरा गावी प्रकटले | अकरा मारुती अवतारा ||
बजरंगाचा ध्यास | तया कोणाचा ना‌ क्लेश बाधीता ||
सीतेस रक्षीता | आणि संजीवनी लक्ष्मण जीववाचिका ||
जय जय | जय रूईपत्र प्रिय वीर हनुमंता‌ ||
राम सीता हृदयी वसवून | तव‌ भक्तीत सकल‌ जीवन अर्पिता‌ ||

-

नजरेची कैद गहाळ ती करू लागली
उमलत्या त्या सांजवेळी....

-

बाप - लेक

सुखाची मंद झुळूक
सकंटातला तो आधार
प्रेमाचा अथांग सागर
कर्तृत्वाचा तो‌ उंच शिखर....
मुलींच्या जीवनाचा शिल्पकार
पाहतो तिच्यात आईचे प्रेम
असा तो भाबडा प्रेमळ बाप...
दैवाहून‌‌ ही पुण्यवान
मुली साठी तिच्या वडिलांनचा स्वाभिमान...
वडील लेकिचा तो सहवास
भारावून टाकतो मनाला सदोदित....

-

स्वामी जाणा स्वामी त्रैलोक्यनाथा
जीव ओवाळीला मी स्वामी चरणांना
अनंतकाळी स्वामी नाथा
जगद्गुरू तुझाच ठाव या मनाना
दत्तात्रय स्वामी तुच या जगताला
तुझ्या चरणाशी द्या शरण या पामराला
स्वामी नंद ललकारी बांधी कर्माच्या त्या दोरी
महदभाग्ये घडल्या भेटी स्वामी आले मी अक्कलकोटी
मठ हृदयी स्वामी तुमचा घ्या लेकरु वो आपुल्या पोटी
माय भक्तांन वर प्रसन्न जणू स्वर्गच झाली ही दुनिया सारी

-

विठ्ठलाचा नंद | ज्योतिषाचा छंद ||
हाती मृदंग | वाद्यांचा तो दंग ||
मनी भासतो | सावळा लेकुरवाळ ||
विठ्ठुच्या जयघोषात | आसमंत ते तल्लीन ||
स्वजीवन चरणात | तुझिया मी वाहिन ||
जीवनात सुखावून | जातो‌‌ तो‌ भक्ती राग ||
नाही धाकला | नाही कोणी थोर ||
वास करीतो परब्रह्म | श्वासात ||
अनंत कोटी ब्रम्हांड | सतित्व साक्षात ||
नामस्मरणाने मिळे मोक्ष | जीवन होई सफल ||

-