Kitni azeeb baat hai na -

Logo ke liye Black and white ka dour kabka guzar gya..
Aur yha ye Chandni Roz raat ka saath nibhati hai....

-

Har baat zuban se ho jroori hai kya?
Tum aankhon se samajh lo to baat bhi hai..
Har bar meri suno jroori hai kya?
Kbhi kuch apni sunao to baat bhi hai...
Hum to chal pde hai raah dhoondhne.
Tum manzil tak saath chalo to baat bhi hai.....

-

Kitni azeeb baat hai na.
Jab koi door hota hai to lgta hai, ye pass hota to sb kuch shi hota , sab kuch bta dete use.
Or jab vhi insan aapke pass hota hai to kuch bolne ki na to himmat hoti hai or na jurrat..

-

Ek khami hai mujhme ,
Jo tujhse chhipti nhi.
Bevajah barasne ki tujhpe,
ye aadat meri hatti nhi.
Sunna chahti hu bs tujhe,
par baatein meri hi rukti nhi.
Khamakha kuch bhi bol deti hu,
na jane tujhe buri kyu lgti nhi.
Ek tu hi to bin bole sab samjhta hai ,
Verna bevajah ye aankhein sabke saamne jhukti nhi.

-

Fir chali hai thandi Pavan, lekr kuch ehsason ko .
Kadak Rahi hai bijli bhi, dafan kiye kuch raajon ko.
Tip tip krti boondon ne , cheda Sur ek saath hai.
Nam aankhon ka saath nibhane, fir aai barsaat hai...

-

Baatein to bhut hai, tum sunoge kya?
Jo raah chuni hai maine , us par saath chaloge kya?
Padh paoge kabhi, jo baatein aankhon ne kahi hai?
Ban paoge jawab mere har sawalon ka?
Mujhe neend nhi aati raaton ko, tum ek pyara sa khwaab banoge kya?
Haath pakad kar mera, rishte nibhaoge kya?
Jo raah chuni hai maine, us par saath chaloge kya?

-

Kabhi hoti Teri baat jo, na jane saham kyu mai jaati hu .
Chalo aaj fir un yaadon ko yaad kar kuch sunati hu.

Jo chaha tune vo kar to liya na ,
Pyaar ke badle gam hi sahi par kuch to diya na.
Koi shikayat nahi hai tujhse mujhe,
Jo kuch bhi kiya, mere liye hi kia na.

Kabhi kisi baat main jo galat lagu mai,
Batana jo kbhi kuch alag lagu mai.
Jaisi hu, saamne hu, na jane hu kaisi,
Jaise rahoge tum, ban jaungi mai vaisi.

Fir bhi bharosa jeet na paya kisi ne,
Saccha saath na nibhaya kisine.
To na ab kisi se koi aash lagati hu,
Mai khud ki khud main Kushi dhoondh muskurati hu.
Chalo aaj fir un yaadon ko yaad kar kuch sunati hu.
Chalo aaj fir un yaadon ko yaad kar kuch sunati hu.

-

Tum baat ho ya alfaaz ho,
Ya chupa gehra koi Raaz ho .
Ho khila savera ya dundhali shaam ho,
Ho khushnuma din ya Andheri raat ho.
Vo baat ho jo kbhi poori na hui,
Ya nazron se bhne vale jazbaat ho .
Kon ho, tum kya ho, kyu ho or kaha ho,
Ab to lagta hai yun mujhe,
Tum bs mere ye kuch savalaat ho.
Ke baat ho ya alfaaz ho,
Ya chupa gehra koi Raaz ho.

-

Log poochte hain ki khwahish kya hai tumhari ?
Ab unhe kaise samjhaye ki chahat ko khwahish se tola nhi ja sakta
or
ye jo raaj hai vo khamakha khola nhi ja sakta.....

-

Nazariya....
Kabhi kuch acha krne ke liye buri cheezon ka saath lena padta hai
Ab usse log hme acha samjhe ya bura ye unke dekhne ka nazariya hai...

-