ನಿನ್ನಿರುವಿಕೆಯ ಮರೆತು ,
ಕುತೂಹಲದಿ ಪದೇ ಪದೇ ನಿನ್ನೇ ನೋಡಲೆ...?
ಅರಿಯದೆ ಜಾರಿದ ಮಾತೊಂದ ಕಣ್ಣಲ್ಲೇ ಬಚ್ಚಿಡಲೆ...?

-

ನೀ ನನ್ನ ಕವಿತೆಯೊಳಗಿನ ಕಲ್ಪನೆಯೋ,
ನಾ ಕಾಣದಿರೋ ವಾಸ್ತವವೋ...

-

ಪದಬಂಧವೂ ಪದಗಳ ಸಾಲ ಕೇಳಿದೆ,
ನೀ ನಗುವ ವೈಖರಿಯ ವರ್ಣಿಸಲು...

-

ಒಲವಾಗಿದೆ,

ನಿನ್ನ ಕಂಡಾಗಲೆಲ್ಲಾ ನಾ ಕಳೆದು ಹೋಗುವಷ್ಟು,
ಸದ್ದು ಗದ್ದಲದ ನಡುವೆಯೂ ನಿನ್ನದೇ ನೆನಪಾಗುವಷ್ಟು ,
ಸೋತು ನಾನೇ ಶರಣಾಗುವಷ್ಟು.....

-

ಪ್ರತಿಬಾರಿಯೂ ನಿನಗಾಗಿ ಬರೆದ ಪತ್ರ , ನಿನ್ನ ತಲುಪದೇ ನನ್ನಲ್ಲೇ ಉಳಿಯುವುದು...

-

ಅರಿತವರು ಜೊತೆಯಲ್ಲಿದ್ದರೆ ಮಾತ್ರ, ಜೀವನಕಡಲಿನ ದಡ ಮುಟ್ಟಲು ಸಾಧ್ಯ....

-

ನಿನ್ನ ನೆನೆದಾಗೆಲ್ಲಾ ,
ಅರಿವಿಲ್ಲದೆ ಮೂಡುವುದು ಮುಗುಳುನಗೆ ಮೊಗದಲಿ....

-

ಜೀವಿಸುವೆ ನಾ
ನಿನ್ನ ಎದೆಯಾಳದಲ್ಲಿ
ಬಯಸದೆ ಏನನ್ನೂ...💗

-

ಇರದ ನಿನ್ನ ಇರುವಿಕೆಯನ್ನು, ಮನ ಹುಡುಕಿದೆ ಪ್ರತಿಕ್ಷಣವೂ ಕಾರಣವಿಲ್ಲದೆ...

-

ಅವಕಾಶ ಸಿಕ್ಕರೆ ನಿನ್ನೆದೆಗೆ ಒರಗುವೆ,
ಯುಗ ಮುಗಿಯುವವರೆಗೂ...

-