વિશ્વાસ મનમાં ત્યારે જાગે જયારે અવિશ્વાસની હોય વાત,
વિશ્વાસનો હોય પ્રયાસ મનમાં તો શ્રદ્ધાની કરું એક વાત..
ત્યાં સુધી જ રહે છે મન વિચલિત શ્રદ્ધા જ્યાં સુધી ના હોય પાસ,
જાગૃત થાય શ્રદ્ધા, અસંતુષ્ટ મન પામી જાય શાંતિ, પૂર્ણ થાય સૌ કાજ..
અસાધ્ય પણ સાધ્ય થઇ જાય જીવન સફળ, મન પ્રફુલ્લિત થાય,
બદલાઈ જાય પળવારમાં દુનિયા આખીયે શ્રદ્ધા સંગ જયારે મન જોડાય..
દરેક શ્રદ્ધા સંગ જોડાયેલું એક નામ, કોઈ કાજે રહીમ કોઈ કાજે રામ,
બદલાય દુનિયા બદલાય હાલાત અડગ રહે શ્રદ્ધા અડગ એનું સ્થાન..
શ્રદ્ધા ના માંગે કદી ફળ ફૂલનું દાન, ના કોઈ વ્રત ના ઉપવાસનું આદાન,
શ્રદ્ધાની બસ એક જ વાત, અમન શાંતિ સ્થપાય સદા, સુખ પામે જગ ધામ..
-