அழுது கொண்டேனும்,
பிதற்றிக் கொண்டேனும்,
திட்டிக் கொண்டேனும்,
உளறிக் கொண்டேனும்,
உன்னைத்தான்
அழைத்துக்
கொண்டிருப்பேன்...
உன்னையன்றி வேறு யாரையும்
அழைக்க,
நீ தான்
எனக்கு யாரையுமே
உரிமையாய்
வைத்திருக்கவில்லையே /

-

நிதமும்
அனுதினமும்
நித்தம் நித்தம்
உள்ளுறையும் ஆன்மா
மடிவதென்வது
இப்பயணத்தில்
வாடிக்கையாகிப்
போன பின்னரும் கூட,
எப்படியாவது
மூச்சை பிடித்துக் கொண்டு
முழித்துப் பார்க்கத்தான்
வேண்டியுள்ளது..
கடந்து கொண்டிருப்பது
பிறவி என்னும்
பெருங்கடல் அல்லவா?

-

மயில்சாமி
தொடங்கி வைக்க
சிவன் வந்து
சிறக்க வைக்க
வீரமுத்துவேல் வந்து
கிடைக்க வைத்தார்..
வெற்றியெனும் பரிசை
வெண்ணிலவில்..

-

பெறுகின்ற அன்பெல்லாம் பொய்யென
தெளிந்திடு!
தருகின்ற அன்பெல்லாம் மெய்யென
பேணிடு!
மெழுகிட்ட பச்சையத்தின்
மேல் நிற்கும் துளி நீர் போல்,
மெய்யான சிவம் கண்டு,
பொய் விலக்கி வாழ்தலே
உலகில் உயர்ந்த
உன்மத்தம் 🙏

-

என்றோ ஒரு நாள்
என் இதயத்தை திருடிய
பாடலின் பல்லவிதான்
இன்றென் இதயத்தில் இருந்து
தொலைந்து போன
அமைதியை அமைதியாக
திருப்பி தந்தது..

-

Displayed in social media by all.

-

வெண்ணிலவு எனை கொஞ்சம் தின்று செரிக்க,
விளக்கொளியும் எனை கொஞ்சம் உண்டு
சிரிக்க,

விடாப்பிடியாய் இன்னும்
கூட என்னை கொஞ்சம்
பத்திரப்படுத்தி வைத்திருக்கிறேன்..

உன் தாகம் தீர்த்து
என் தாபம் தீர்க்க..

-

இறுதியில்
இறுக்கமாய் அணைத்தபடியே
உன் இதயத்துடிப்பில்
இளைப்பாறும் நிமிடம்
மட்டுமே
எனை பொருத்தமட்டில்
"மோட்சம் " எனப்படும்..

-

என்று நினைக்கும் மனது,
தான்
நாள் கடக்க
இதுவும் போகும்..
என தெரிந்து தெளியும்

-

எத்தனை முறை
பார்த்தாலும்
எனக்கு சலிக்காத
சௌந்தர்யம்...
அடர் மையிருட்டில்
படிந்த அந்த
ஒற்றை வெள்ளைக்கறை...

-